Qashyqtan oqytý jaǵdaiynda mektep túlekteri úshin qorytyndy attestattaý pánder boiynsha jyldyq baǵalary negizinde júrgiziledi. UBT-ny ótkizý merzimderi ózgerissiz qalady. QR Bilim jáne ǵylym ministrligi osyndai sheshim qabyldady, dep habarlaidy "Ult aqparat".
Ministrlikten málim etkendei, Qazaqstanda engizilgen tótenshe jaǵdai men oqýshylardyń qashyqtan oqý túrine aýysýyna bailanysty BǴM 9 (10) synyp oqýshylary úshin qorytyndy attestattaý emtihandaryn, al 11 (12) synyp oqýshylary úshin memlekettik qorytyndy attestattaý emtihandaryn ótkizbeý týraly sheshim qabyldady.
«Biz saraptai kele osyndai sheshim qabyldadyq. Tiisti ózgertýler ministrliktiń buiryqtaryna engizildi. Jekelegen emtihandar ótkizilmeitin bolady. Bul oqý jetistikterin qorytyndy baǵalaýdyń barynsha ádildigin qamtamasyz etedi», – dep habarlady ministrliktiń baspasóz qyzmetinen.
Esterińizge sala ketsek negizi 9 (10) synyp túlekteriniń qorytyndy attestattaýy kelesidei ótkiziletin:
1) ana tili boiynsha jazbasha emtihan (oqytý tili boiynsha) – esse túrindegi jazbasha jumys, gýmanitarlyq tsikl pánderin tereńdetip oqytatyn mektep oqýshylary úshin maqala/áńgime/esse túrindegi jazbasha jumys;
2) matematikadan (algebradan) jazbasha emtihan;
3) oqytý orys/ózbek/uiǵyr/tájik tilinde júrgiziletin synyptarda qazaq tili men ádebietinen jazbasha emtihan jáne oqytý qazaq tilinde júrgiziletin synyptarda orys tili men ádebieti páninen jazbasha emtihan;
4) tańdaý páni boiynsha (fizika, himiia, biologiia, geografiia, geometriia, Qazaqstan tarihy, dúniejúzi tarihy, ádebiet (oqytý tili boiynsha), shet tili (aǵylshyn/frantsýz/nemis), informatikadan jazbasha emtihan retinde.
Al 11 (12) synyp oqýshylary úshin qorytyndy attestattaý kelesidei ótkizilip keldi:
1) ana tili men ádebieti boiynsha jazbasha emtihan (oqytý tili boiynsha) esse túrinde;
2) orys/ózbek/uiǵyr/tájik tilinde oqytatyn mektepterde qazaq tili boiynsha testileý jáne qazaq tilinde oqytatyn mektepterde orys tili boiynsha testileý;
3) algebra jáne taldaý negizderi boiynsha jazbasha emtihan;
4) Qazaqstan tarihy boiynsha aýyzsha;
5) tańdaý páni boiynsha testileý (fizika, himiia, biologiia, geografiia, geometriia, dúniejúzi tarihy, ádebiet (oqytý tili boiynsha), shet tili (aǵylshyn/ frantsýz/ nemis), informatikadan testileý túrind.
«Qazirgi ýaqytta Ulttyq biryńǵai testileýdi ótkizý merzimi ózgerissiz qalyp otyr. Túlekter Ulttyq testileý ortalyǵynyń saitynda ornalastyrylǵan synama testterin tegin paidalana alady. Ár pán boiynsha testileýdiń 70 biregei nusqasy usynylyp otyr», - delingen habarlamada.
Esterińizge sala keteiik 2017 jyldan beri UBT nátijeleri JOO túsýge jáne bilim granttaryn ielenýge, al qorytyndy attestattaý emtihandarynyń nátijesi attestat alý úshin qajet.
