QR Ulttyq qaýipsizdik komiteti tóraǵasynyń orynbasary Nurǵali Bilisbekov 2019 jyly terrorizm men ekstremizimge qatysy bar 31 sheteldiktiń ustalǵanyn málim etti, dep habarlaidy "Ult aqparat".
«Óńirlik terrorizmge qarsy qurylymnyń aiasynda taraptardyń shekara qyzmetteri ózara bailanysta áreket etedi. Turaqty túrde jyl saiyn, ár toqsan saiyn osy qyzmetterdiń sarapshylar toby jinalyp, qajetti sheshimder shyǵarady. Jylda eń kemi bir ret shekara vedomstvolarynyń basshylary bas qosyp, otyrys ótkizedi. Otyrysta qajetti sheshim qabyldap, ol sheshimder júzege asyrylady. Bul tájiribe «Yntymaqtastyq» degen birlesken shekara operatsiiasy arqyly atqarylady. Osy 2019 jyly Qazaqstannyń shekara qyzmetkerleri izdeýde júrgen 10 sheteldikti ustap, óz elderine qaitardy», - dep toqtaldy Nurǵali Bilisbekov Parlament Májilisiniń jalpy otyrysynda.
Budan bólek ol UQK-nyń izdeý jumystarynyń nátijesi týraly aitty.
«Sonymen qatar, Ulttyq qaýipsizdik komiteti jedel izdeý jumysyn uiymdastyrady. Osy jumystyń barysynda 2019 jyly terrorizm men ekstremizimge qatysy bar 31 sheteldikti ustadyq jáne olar elderine qaitaryldy», - deidi QR Ulttyq qaýipsizdik komiteti tóraǵasynyń orynbasary.
Budan buryn habarlanǵandai, Parlament Májilisiniń jalpy otyrysynda «Shanhai yntymaqtastyq uiymynyń ekstremizmge qarsy is-qimyl jónindegi konventsiiasyn ratifikatsiialaý týraly» zań jobasy maquldandy.
Qujatta ShYU elderiniń aýmaǵynda ekstremistik uiymdardy kirgizbeýdiń qadamdary aiqyndaldy.
