قر ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى نۇرعالي بٸلٸسبەكوۆ 2019 جىلى تەرروريزم مەن ەكسترەميزيمگە قاتىسى بار 31 شەتەلدٸكتٸڭ ۇستالعانىن مەلٸم ەتتٸ, دەپ حابارلايدى "ۇلت اقپارات".
«ٶڭٸرلٸك تەرروريزمگە قارسى قۇرىلىمنىڭ اياسىندا تاراپتاردىڭ شەكارا قىزمەتتەرٸ ٶزارا بايلانىستا ەرەكەت ەتەدٸ. تۇراقتى تٷردە جىل سايىن, ەر توقسان سايىن وسى قىزمەتتەردٸڭ ساراپشىلار توبى جينالىپ, قاجەتتٸ شەشٸمدەر شىعارادى. جىلدا ەڭ كەمٸ بٸر رەت شەكارا ۆەدومستۆولارىنىڭ باسشىلارى باس قوسىپ, وتىرىس ٶتكٸزەدٸ. وتىرىستا قاجەتتٸ شەشٸم قابىلداپ, ول شەشٸمدەر جٷزەگە اسىرىلادى. بۇل تەجٸريبە «ىنتىماقتاستىق» دەگەن بٸرلەسكەن شەكارا وپەراتسيياسى ارقىلى اتقارىلادى. وسى 2019 جىلى قازاقستاننىڭ شەكارا قىزمەتكەرلەرٸ ٸزدەۋدە جٷرگەن 10 شەتەلدٸكتٸ ۇستاپ, ٶز ەلدەرٸنە قايتاردى», - دەپ توقتالدى نۇرعالي بٸلٸسبەكوۆ پارلامەنت مەجٸلٸسٸنٸڭ جالپى وتىرىسىندا.
بۇدان بٶلەك ول ۇقك-نىڭ ٸزدەۋ جۇمىستارىنىڭ نەتيجەسٸ تۋرالى ايتتى.
«سونىمەن قاتار, ۇلتتىق قاۋٸپسٸزدٸك كوميتەتٸ جەدەل ٸزدەۋ جۇمىسىن ۇيىمداستىرادى. وسى جۇمىستىڭ بارىسىندا 2019 جىلى تەرروريزم مەن ەكسترەميزيمگە قاتىسى بار 31 شەتەلدٸكتٸ ۇستادىق جەنە ولار ەلدەرٸنە قايتارىلدى», - دەيدٸ قر ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى.
بۇدان بۇرىن حابارلانعانداي, پارلامەنت مەجٸلٸسٸنٸڭ جالپى وتىرىسىندا «شانحاي ىنتىماقتاستىق ۇيىمىنىڭ ەكسترەميزمگە قارسى ٸس-قيمىل جٶنٸندەگٸ كونۆەنتسيياسىن راتيفيكاتسييالاۋ تۋرالى» زاڭ جوباسى ماقۇلداندى.
قۇجاتتا شىۇ ەلدەرٸنٸڭ اۋماعىندا ەكسترەميستٸك ۇيىمداردى كٸرگٸزبەۋدٸڭ قادامدارى ايقىندالدى.
