– 2017 jyly Siriia men Iraktan orta aziialyq sodyrlardyń oralý qaýpi kúsheie túsedi. Bul týraly Qazaqstan strategiialyq zertteýler institýtynyń direktory Erlan Qarin «Astana» telearnasyna bergen suhbatynda málimdedi.
Onyń aitýynsha, Aýǵanstandaǵy ishki saiasi jaǵdaidyń nasharlaýy men Taiaý Shyǵystaǵy qarym-qatynastyń shielenisýi aimaq qaýipsizdigine keri áserin tigizedi. Qazirdiń ózinde «Imam Býhari» siiaqty lańkestik toptary Aýǵanstanda jasaq quryp, beinematerialdar jariialap otyr. Bul radikal toptardyń negizgi ortalyǵy Aýǵanstan men Pákistan shekarasy bolatynyn dáleldeidi eken.
«Mundai qaýip buryn da bolǵan, alaida bul Ortalyq Aziia elderinde jappai terrorlyq nasihat júredi degen sóz emes. Bizdiń oiymyzsha, 2017 jyly Ortalyq Aziia elderi úshin, qazirgi Taiaý Shyǵystaǵy janjaldar turǵysynan alyp qaraǵanda, lańkestik táýekel saqtalatyn bolady. Buǵan qosa, óńirde radikalizmniń órshý qaýpi de basym bolyp tur. Osylardy eskere kele, biz óńirde radikalizm alǵysharty saqtalady dep esepteimiz. Sonymen qatar Siriia men Iraktaǵy qazirgi ahýaldyń ózgerýine bailanysty orta aziialyq sodyrlardyń oralý qaýpi de saqtalady» deidi Erlan Qarin.
