Qazaqstannyń avtokólik kásiporyndarynyń odaǵy jyl basynan beri satyp alynǵan eń qymbat qyzmettik kóliktiń baǵasyn jariialady, dep xabarlaidy QazAqparat tilshisi.
«Sońǵy alty aida bolǵan tenderlerdi alyp qarasaq, eń qymbat kólik ol - Toiota Lend Krýzer 200. Onyń eki danasyn QR Investitsiialar jáne damý ministrligine qarasty «Qazaqavtojol» RMK-sy satyp aldy. Árbireýiniń baǵasy 27 million teńgeden joǵary bolyp tur. Alty aidyń qorytyndysy boiynsha bul - eń qymbat qyzmettik kólikter. Negizi, odan da qymbat kólikter bar ǵoi. Mysaly, Mersedes S-klass. Byltyr memlekettik organdar atalǵan kólikterdi satyp alǵan bolatyn. Baǵasy da az bolǵan joq», - dedi O.Alferov Astanada ótken baspasóz máslixatynda.
Onyń aitýynsha, búginde memlekettik organdar otandyq kólikterdi kóptep ala bastady. "Astanada atalǵan ózgeris qatty baiqalmaityn shyǵar. Degenmen, aimaqtarda tender kezinde otandyq kólikterdi kóptep alady. Ony birden baiqaýǵa bolady. Al aýylda taza ózimizdiń kólikter júredi", - dep atap kórsetti O.Alferov.
Aita keteiik, búgingi baspasóz máslixatynda odaq basshysy memlekettik organdardyń sheteldik kólikterdi satyp alýǵa qatysty naqty statistikany jariialady. Oǵan sáikes, ótken jyly birinshi jartyjyldyqta 375 sheteldik kólik satyp alynǵan bolatyn. Sonyń bárine 4 mlrd teńge jumsaldy. Biyl alty aida memlekettik organdarǵa tek 92 kólik qana shetelden jetkizildi. Oǵan 677 mln teńge ketti.
