Biylǵy 9 aida laýazymdy tulǵalarǵa para berý faktileri boiynsha 381 sotqa deiingi tergeý tirkeldi. Bul týraly QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Biǵaidarov málim etti, dep habarlaidy QazAqparat.
«Sybailas jemqorlyqqa qarsy qyzmet 2020 jyldyń 9 aiynda laýazymdy tulǵalarǵa para berý faktileri boiynsha 381 sotqa deiingi tergeýdi tirkedi. Onyń 274-i sotqa joldandy jáne olar boiynsha 117 tulǵa sottaldy», - dedi D. Biǵaidarov.
Osy oraida ol memlekettik qyzmetshiler men elimizdiń azamattary sybailas jemqorlyq úshin áleýmettik jáne qylmystyq jaýapkershilikti jiti túsinýi qajet ekenin atap ótti.
«Para bergeni, alǵany, deldaldyǵy, kómekteskeni jáne para berýge itermelegeni úshin qylmystyq jaýapkershilik kózdelgen. Laýazymdy adamǵa para bergeni úshin (QR Qylmystyq kodeksiniń 367-baby) 15 jylǵa deiin bas bostandyǵynan aiyrý, sondai-aq eleýli aiyppuldar men múlkin tárkileý, belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyrý, áskeri ataqtardan, synyptyq shenderden, memlekettik nagradalardan jáne basqa da marapattan aiyrý siiaqty qosymsha sanktsiialar eskerilgen», - dedi agenttik ókili.
