بيىلعى 9 ايدا لاۋازىمدى تۇلعالارعا پارا بەرۋ فاكتٸلەرٸ بويىنشا 381 سوتقا دەيٸنگٸ تەرگەۋ تٸركەلدٸ. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ 1-شٸ دەپارتامەنتٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بيعايداروۆ مەلٸم ەتتٸ, دەپ حابارلايدى قازاقپارات.
«سىبايلاس جەمقورلىققا قارسى قىزمەت 2020 جىلدىڭ 9 ايىندا لاۋازىمدى تۇلعالارعا پارا بەرۋ فاكتٸلەرٸ بويىنشا 381 سوتقا دەيٸنگٸ تەرگەۋدٸ تٸركەدٸ. ونىڭ 274-ٸ سوتقا جولداندى جەنە ولار بويىنشا 117 تۇلعا سوتتالدى», - دەدٸ د. بيعايداروۆ.
وسى ورايدا ول مەملەكەتتٸك قىزمەتشٸلەر مەن ەلٸمٸزدٸڭ ازاماتتارى سىبايلاس جەمقورلىق ٷشٸن ەلەۋمەتتٸك جەنە قىلمىستىق جاۋاپكەرشٸلٸكتٸ جٸتٸ تٷسٸنۋٸ قاجەت ەكەنٸن اتاپ ٶتتٸ.
«پارا بەرگەنٸ, العانى, دەلدالدىعى, كٶمەكتەسكەنٸ جەنە پارا بەرۋگە يتەرمەلەگەنٸ ٷشٸن قىلمىستىق جاۋاپكەرشٸلٸك كٶزدەلگەن. لاۋازىمدى ادامعا پارا بەرگەنٸ ٷشٸن (قر قىلمىستىق كودەكسٸنٸڭ 367-بابى) 15 جىلعا دەيٸن باس بوستاندىعىنان ايىرۋ, سونداي-اق ەلەۋلٸ ايىپپۇلدار مەن مٷلكٸن تەركٸلەۋ, بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ٶمٸر بويىنا ايىرۋ, ەسكەري اتاقتاردان, سىنىپتىق شەندەردەن, مەملەكەتتٸك ناگرادالاردان جەنە باسقا دا ماراپاتتان ايىرۋ سيياقتى قوسىمشا سانكتسييالار ەسكەرٸلگەن», - دەدٸ اگەنتتٸك ٶكٸلٸ.
