Tabiǵi monopoliialardy retteý komitetiniń tóraǵasy Asan Darbaev Qazaqstanda biyl kommýnaldyq qyzmetterdiń tarifi 2019 jylǵa qaraǵanda qanshalyqty ózgergenin aityp berdi, dep habarlaidy "Ult aqparat".
«Memleket basshysynyń tapsyrmasy boiynsha 2020 jyldyń qańtarynda tarifter ósip ketpes úshin 2019 jyly tyńǵylyqty jumys júrgizildi. Kommýnaldyq qyzmetterdiń ortasha josparly ósimi 15 paiyz dep boljanǵan edi», - dedi Asan Darbaev OKQ-da ótken baspasóz máslihatynda.
Komitet basshysynyń aitýynsha, Prezident tapsyrmasyn oryndaý úshin 400-ge tarta kásiporynnyń jumysy taldanǵan.
«Bul rette óndiristik fýnktsiialarǵa qatysy joq jáne basym emes sharalar aiqyndaldy. Osy sharalardy iske asyra otyryp, tabiǵi monopoliia sýbektileriniń shyǵyn bóligi 16,4 mlrd teńgege deiin azaityldy. Odan bólek, tabiǵi monopoliia sýbektileriniń basym emes baǵyttary boiynsha taǵy 10,4 mlrd teńge ońtailandyryldy. Osy sharalardyń arqasynda tarifterdiń josparly ózgerisi 0,5 paiyzǵa ǵana ózgerdi (2020 jyldyń 1 qańtary men 2019 jyldyń 1 qańtaryn salystyrǵanda). Jylýmen, sýmen qamtý jáne sý tartý boiynsha tarifter tómendedi», - deidi Asan Darbaev.
Spiker elektrmen qamtý tarifiniń ósýin stansalarda shekti tarifterdiń 15 paiyzǵa qymbattaýymen bailanystyrady.
