2017 jyldyń sońynda Qazaqstannyń barlyq aýdan ortalyqtarynda joǵary jyldamdyqty 4G bailanysy iske qosylady. Bul týraly búgin QR Aqparat jáne kommýnikatsiialar ministrliginiń keńeitilgen alqa májilisinde vedomstvo basshysy Dáýren Abaev málim etti, dep habarlaidy QazAqparat.
«3G men 4G jelileri qarqyndy damý ústinde. Abonentterdiń jalpy sany 14 millionǵa jetti. 2014 jyldyń sońynda biz barlyq aýdan ortalyqtaryn 4G jelisimen qamtýdy josparlap otyrmyz», - dedi ol.
Onyń aitýynsha, bailanys jelilerin damytýdyń halyq úshin paidasy mol. Olar eń aldymen sapaly telekommýnikatsiialyq qyzmetke qol jetkizedi. Al bailanys operatorlary ózderiniń abonenttik bazasyn ulǵaitsa, memleket biýdjetti tolyqtyrýǵa qosymsha qarjy kózin alady.
«Máselen, 2016 jyly respýblikalyq biýdjetke radiojelilik spektordy paidalanýǵa tólemder men alymdar esebinen shamamen 70 mlrd. teńge tústi», - dedi ministr.
Sonymen qatar ol qala men aýyl arasyndaǵy «sandyq teńsizdikti» tómendetý maqsatynda ministrlik 2020 jylǵa deiin memlekettik-jeke seriktestik aiasynda 2 millionnan astam adam turyp jatqan 1300-den astam aýylda talshyqty-optikalyq jeli tartý jobasy júzege asyrylatyndyǵyn atap ótti.
«Osyǵan orai Bailanys departamentine 1 naýryzǵa deiin joba tujyrymdamasyn Ulttyq ekonomika ministrligimen kelisýdi tapsyramyn», - dedi Abaev.
.jpeg)