Biyl qazaqstandyqtardyń 100-den astam iýrisdiktsiiadaǵy qarjylyq shottary boiynsha aqparat almasý bastalady. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Biz elektrondy shot-faktýralardy paidalaný mindetti bolatyn sýbektilerdiń tizbesin keńeitýge niettimiz. Qazirgi kezde elektrondyq shot-faktýralardy tek qosylǵan qun salyǵyn tóleýshiler, sondai-aq, pilottyq rejimde dárilik zattar men altyn kenin ótkizýshiler ǵana qoldanady», - dedi ol.
Ministr kapitaldy shetelge shyǵarýǵa jáne ekonomikany deofshorizatsiialaýǵa qarsy is-qimyl boiynsha keshendi jumystar júrgizilip jatqanyn aitty.
«Ekonomikalyq yntymaqtastyq jáne damý uiymy jáne Halyqaralyq qarjy uiymdarymen málimetterdi elektrondyq almasý aiasynda kópjaqty konventsiiaǵa qol qoiyldy. Osy jyldan bastap bizdiń azamattarymyzdyń 100-den astam iýrisdiktsiiada qarjylyq shottary boiynsha aqparat almasý bastalady», - dedi Erulan Jamaýbaev.
