Saýda jáne integratsiia ministri Baqyt Sultanov Qazaqstanda elektrondy kommertsiiany damytý boiynsha qandai jumystar atqarylyp jatqanyn aityp berdi, dep habarlaidy "Ult aqparat".
«Tsifrlandyrý baǵyty boiynsha elektrondy kommertsiiany damytý jaǵynan úlken jumys atqarylyp jatyr. Pandemiia bir jaǵynan bizdiń qazirgi baǵdarlamalarymyzdy úilestirý jáne olarǵa ózgeris engizý sharýasyn edáýir yntalandyra tústi. Keiingi jyldary elektrondy kommertsiianyń deńgeii ósip bara jatqanyn túsinemiz. Alaida aimaqtarda onyń quraldaryn damytý kerek», - dedi Baqyt Sultanov OKQ-da ótken baspasóz máslihatynda.
Ministr bul rette tek elektrondy saýda alańdary týraly ǵana emes, logistika, tólem júieleri men fýlfilment ortalyqtary, bondty qoimalar, taýarlar men qyzmetterdiń tasymaldaýshylary sekildi infraqurylymdar týraly aityp otyrǵanyn jetkizdi.
«Biz sonymen qatar transshekaralyq saýda salasynda elektrondy alańdarǵa kóbirek mán berip kelemiz. Saýda jáne integratsiia ministrligi Alibaba platformasyna 50 kompaniiany shyǵarý boiynsha asa aýqymdy jumysty atqardy. Biyl taǵy 50 kompaniia atalmysh platformada akkaýntqa ie bolady. Biz sonymen birge kompaniialarymyzdy basqa da elektrondy saýda alańdaryna shyǵarý úshin Resei, Kanada, Eýropa elderimen qyzý jumys júrgizip jatyrmyz», - dedi Baqyt Sultanov.
