2020 jyldyń qorytyndysy boiynsha 17,5 million adam aýyz sýmen qamtyldy. Bul týraly QR Indýstriia jáne infraqurylymdyq damý ministrliginen málim boldy, dep habarlaidy "Ult aqparat".
«2020 jyly 304 jobany iske asyrýǵa 113 mlrd teńge bólindi. 4 425 shaqyrym sýmen jabdyqtaý jáne sý burý jelileri salyndy ári rekonstrýktsiialandy. 2020 jyldyń qorytyndysy boiynsha qoljetimdilik aýyldarda 87,7 paiyzdy, qalalarda 97,5 paiyzdy qurady. Respýblika boiynsha jalpy kórsetkish 93,1 paiyzǵa (17,5 mln adam) jetti», - delingen vedomstvo málimetinde.
«Halyqty sapaly aýyz sýmen qamtamasyz etý boiynsha is-sharalardy jalǵastyrý úshin, Turǵyn úi-kommýnaldyq damýdyń 2020 – 2025 jyldarǵa arnalǵan «Nurly jer» memlekettik baǵdarlamasy aiasynda sýmen jabdyqtaý jáne sý burý júielerin salý men rekonstrýktsiialaý júrgizilýde. Baǵdarlamada 2025 jyldyń sońyna deiin respýblika halqyn tolyq kólemde sýmen jabdyqtaý qyzmetterimen qamtý kózdelgen», - Qurylys jáne turǵyn úi-kommýnaldyq sharýashylyq isteri komitetiniń tóraǵasy Marhabat Jaiymbetov.
Qazirgi kezde elimizde 1 926 aýyldyq eldi meken aýyz sýmen qamtamasyz etý qyzmetterimen jabdyqtalmaǵan. Olardyń 838-i halyq sany 200-den kem shaǵyn aýyldar bolyp sanalady. Biyl turǵyndar sany 200-den astam 793 eldi mekende sýmen jabdyqtaý júielerin salý men rekonstrýktsiialaý boiynsha jumystar jalǵasatyn bolady.
«Qarajatty utymdy paidalaný maqsatynda halyq sany 200-den kem aýyldarda sý tazartýdyń keshendi blok-modýlderi ornatylatyn bolady»,-dedi. Qurylys jáne turǵyn úi-kommýnaldyq sharýashylyq isteri komitetiniń tóraǵasy Marhabat Jaiymbetov.
