Oqý-aǵartý ministrligi 2024 jyldyń qyrkúieginde 300 myńǵa jýyq kolledj stýdentiniń shákirtaqysy 50%-ǵa ósetinin málimdedi. Bul týraly "Ult aqparat" habarlaidy.
"Kolledj stýdentteri qazirgi 31 422 teńgeniń ornyna 41 896 teńge alady. Jumysshy biliktiligi bar stýdentter úshin shákirtaqy 32 681 teńgeden 43 574 teńgege deiin kóteriledi", – dedi Tehnikalyq jáne kásiptik bilim bas sarapshysy Darhan Satanov.
Sonymen qatar memlekettik tapsyrys boiynsha oqityn stýdentterge tamaq pen jolaqy siiaqty áleýmettik qoldaý kórsetiledi.
Elimizdegi kolledjderde barlyǵy 542 myń stýdent oqidy. Onyń 344 myńy tegin tehnikalyq jáne kásiptik bilimmen qamtylǵan.
Buǵan deiin 2021 jyldan bastap Qazaqstanda stipendiia mólsheri bakalavriat úshin 20%-ǵa, magistratýra jáne doktorantýra úshin 15%-ǵa artyp kele jatqanyn jazǵan edik.
