2021 jylǵa qaraǵanda biylǵy jyldyń birinshi toqsanynda Qazaqstan shetelge kóbirek gýmanitarlyq kómek jiberdi, dep habarlaidy QazAqparat Finprom.kz-ke silteme jasap.
«Biyl qańtar-naýryz ailarynda Qazaqstan basqa elderge 9,4 mln AQSh dollary somasyna gýmanitarlyq kómek jiberdi. Tek naýryz aiynda kórsetilgen gýmanitarlyqtyń kómektiń somasy 3,6 mln AQSh dollaryn quraidy. Al ótken jyly osy kezeńde Qazaqstannan basqa elge gýmanitarlyq kómek jiberilmedi. Sonymen qatar, biylǵy jyldyń birinshi toqsanynda kórsetilgen gýmanitarlyq kómek kólemi 2021 jylmen salystyrǵanda $7,5 mln-ǵa asyp túsedi», - delingen Finprom.kz taratqan aqparatta.
Biyl qańtar-naýryz aiynda elimizden jiberilgen gýmanitarlyq kómekti ajyratyp qarasaq. Dári - dármek - 4,4 mln dollardy quraidy, azyq – túlik - $280,8 myń, kiim-keshek pen aiaq kiim - $94,8 myń AQSh dollary. Sondai-aq, mashinalar men jabdyqtarǵa - 15,4 myń dollar jáne basqa da taýarlarǵa 4,6 mln AQSh dollary jumsaldy.
Qazaqstan atynan usynylǵan gýmanitarlyq kómektiń eń kóp kólemi Aýǵanstanǵa jóneltildi. Iaǵni 5,7 mln AQSh dollaryn quraidy. Osylaisha Aýǵanstan Qazaqstannan gýmanitarlyq kómekti turaqty túrde alýshy el. Odan bólek, turaqty gýmanitarlyq kómekti alýshy elder arasynda Tájikstan da bar. 2022 jyldyń birinshi toqsanynda atalǵan memleketke 130,1 myń dollardyń kómegi jóneltildi.
Sondai-aq, biyl Qazaqstan atynan Ýkraina, Polsha jáne Vengriia gýmanitarlyq kómek aldy. Ýkrainadaǵy jaǵdaiǵa bailanysty jalpy somasy 306 myń dollarǵa 67,7 myń tonna gýmanitarlyq kómek jiberildi. Onyń ishinde 202,6 myń dollarǵa 41,2 myń tonna azyq-túlik, 40,3 myń dollarǵa 6,7 myń tonna kiim jáne aiaq kiim. Sol sekildi 63,1 myń dollarǵa 19,8 myń tonnany quraityn basqa da taýarlar jóneltildi.
Al Polshaǵa 3,1 mln somasyndaǵy AQSh dollaryna 70,7 myń tonna gýmanitarlyq kómek kórsetildi. Atap aitqanda, $1,5 mln-ǵa 25,2 myń tonna dári-dármek, $23 myńǵa 8,6 myń tonna azyq-túlik, $22,9 myńǵa 4,7 myń tonna kiim men aiaq kiim jáne $ 22,2 myń tonnaǵa 32,2 myń tonna basqa taýarlar jóneltildi.
Sonymen qatar Polsha Ýkrainadan 3,3 millionǵa jýyq bosqyn qabyldady. Al Ýkrainadan kelgen bosqyndardyń jalpy sany 6 millionǵa jýyq adamdy qurady. Atap aitqanda, Ýkraina azamattary úshin gýmanitarlyq kómekpen Almatydan Polshanyń Katovitse qalasyna júk jetkizildi.
Qazaqstan Vengriiaǵa da 69,5 myń dollardy quraityn 6,7 myń tonna gýmanitarlyq kómek jiberdi. Onyń ishinde $47,2 myń azyq-túlik taýarlaryna-3,5 myń tonna, $10,9 myń kiim men aiaq kiimge-1,1 myń tonna, $11,4 myń basqa taýarlarǵa-2 myń tonna. Vengriia Ýkrainadan 577,8 myń bosqyn qabyldady.
Al bizdiń el biyl qańtar–naýryzda $2,2 mln somaǵa gýmanitarlyq kómek aldy. Bul kórsetkish Qazaqstanǵa kórsetilgen kómektiń 15,1 esege artqanyn kórsetip otyr. Degenmen 2021 jyldyń sol kezeńimen salystyrǵanda 4,4 esege az.
Alynǵan gýmanitarlyq kómek kóleminiń jartysynan kóbi dári-dármek ($853,2 myń), sondai-aq kiim men aiaq kiim ($484 myń). Sol siiaqty mashinalar men jabdyqtarǵa 1,6 myń dollar, basqa taýarlarǵa — 881,9 myń dollardy quraidy.
Biyl elimizge gýmanitarlyq kómektiń eń kóp kólemi Italiiadan ($1,7 mln-ǵa), odan keiin Qytai ($476,4 myń) jáne Germaniiadan ($37,4 myń) baǵyttaldy.
