2021 جىلعا قاراعاندا بيىلعى جىلدىڭ بٸرٸنشٸ توقسانىندا قازاقستان شەتەلگە كٶبٸرەك گۋمانيتارلىق كٶمەك جٸبەردٸ, دەپ حابارلايدى قازاقپارات Finprom.kz-كە سٸلتەمە جاساپ.
«بيىل قاڭتار-ناۋرىز ايلارىندا قازاقستان باسقا ەلدەرگە 9,4 ملن اقش دوللارى سوماسىنا گۋمانيتارلىق كٶمەك جٸبەردٸ. تەك ناۋرىز ايىندا كٶرسەتٸلگەن گۋمانيتارلىقتىڭ كٶمەكتٸڭ سوماسى 3,6 ملن اقش دوللارىن قۇرايدى. ال ٶتكەن جىلى وسى كەزەڭدە قازاقستاننان باسقا ەلگە گۋمانيتارلىق كٶمەك جٸبەرٸلمەدٸ. سونىمەن قاتار, بيىلعى جىلدىڭ بٸرٸنشٸ توقسانىندا كٶرسەتٸلگەن گۋمانيتارلىق كٶمەك كٶلەمٸ 2021 جىلمەن سالىستىرعاندا $7,5 ملن-عا اسىپ تٷسەدٸ», - دەلٸنگەن Finprom.kz تاراتقان اقپاراتتا.
بيىل قاڭتار-ناۋرىز ايىندا ەلٸمٸزدەن جٸبەرٸلگەن گۋمانيتارلىق كٶمەكتٸ اجىراتىپ قاراساق. دەرٸ - دەرمەك - 4,4 ملن دوللاردى قۇرايدى, ازىق – تٷلٸك - $280,8 مىڭ, كيٸم-كەشەك پەن اياق كيٸم - $94,8 مىڭ اقش دوللارى. سونداي-اق, ماشينالار مەن جابدىقتارعا - 15,4 مىڭ دوللار جەنە باسقا دا تاۋارلارعا 4,6 ملن اقش دوللارى جۇمسالدى.
قازاقستان اتىنان ۇسىنىلعان گۋمانيتارلىق كٶمەكتٸڭ ەڭ كٶپ كٶلەمٸ اۋعانستانعا جٶنەلتٸلدٸ. ياعني 5,7 ملن اقش دوللارىن قۇرايدى. وسىلايشا اۋعانستان قازاقستاننان گۋمانيتارلىق كٶمەكتٸ تۇراقتى تٷردە الۋشى ەل. ودان بٶلەك, تۇراقتى گۋمانيتارلىق كٶمەكتٸ الۋشى ەلدەر اراسىندا تەجٸكستان دا بار. 2022 جىلدىڭ بٸرٸنشٸ توقسانىندا اتالعان مەملەكەتكە 130,1 مىڭ دوللاردىڭ كٶمەگٸ جٶنەلتٸلدٸ.
سونداي-اق, بيىل قازاقستان اتىنان ۋكراينا, پولشا جەنە ۆەنگرييا گۋمانيتارلىق كٶمەك الدى. ۋكرايناداعى جاعدايعا بايلانىستى جالپى سوماسى 306 مىڭ دوللارعا 67,7 مىڭ توننا گۋمانيتارلىق كٶمەك جٸبەرٸلدٸ. ونىڭ ٸشٸندە 202,6 مىڭ دوللارعا 41,2 مىڭ توننا ازىق-تٷلٸك, 40,3 مىڭ دوللارعا 6,7 مىڭ توننا كيٸم جەنە اياق كيٸم. سول سەكٸلدٸ 63,1 مىڭ دوللارعا 19,8 مىڭ توننانى قۇرايتىن باسقا دا تاۋارلار جٶنەلتٸلدٸ.
ال پولشاعا 3,1 ملن سوماسىنداعى اقش دوللارىنا 70,7 مىڭ توننا گۋمانيتارلىق كٶمەك كٶرسەتٸلدٸ. اتاپ ايتقاندا, $1,5 ملن-عا 25,2 مىڭ توننا دەرٸ-دەرمەك, $23 مىڭعا 8,6 مىڭ توننا ازىق-تٷلٸك, $22,9 مىڭعا 4,7 مىڭ توننا كيٸم مەن اياق كيٸم جەنە $ 22,2 مىڭ تونناعا 32,2 مىڭ توننا باسقا تاۋارلار جٶنەلتٸلدٸ.
سونىمەن قاتار پولشا ۋكراينادان 3,3 ميلليونعا جۋىق بوسقىن قابىلدادى. ال ۋكراينادان كەلگەن بوسقىنداردىڭ جالپى سانى 6 ميلليونعا جۋىق ادامدى قۇرادى. اتاپ ايتقاندا, ۋكراينا ازاماتتارى ٷشٸن گۋمانيتارلىق كٶمەكپەن الماتىدان پولشانىڭ كاتوۆيتسە قالاسىنا جٷك جەتكٸزٸلدٸ.
قازاقستان ۆەنگريياعا دا 69,5 مىڭ دوللاردى قۇرايتىن 6,7 مىڭ توننا گۋمانيتارلىق كٶمەك جٸبەردٸ. ونىڭ ٸشٸندە $47,2 مىڭ ازىق-تٷلٸك تاۋارلارىنا-3,5 مىڭ توننا, $10,9 مىڭ كيٸم مەن اياق كيٸمگە-1,1 مىڭ توننا, $11,4 مىڭ باسقا تاۋارلارعا-2 مىڭ توننا. ۆەنگرييا ۋكراينادان 577,8 مىڭ بوسقىن قابىلدادى.
ال بٸزدٸڭ ەل بيىل قاڭتار–ناۋرىزدا $2,2 ملن سوماعا گۋمانيتارلىق كٶمەك الدى. بۇل كٶرسەتكٸش قازاقستانعا كٶرسەتٸلگەن كٶمەكتٸڭ 15,1 ەسەگە ارتقانىن كٶرسەتٸپ وتىر. دەگەنمەن 2021 جىلدىڭ سول كەزەڭٸمەن سالىستىرعاندا 4,4 ەسەگە از.
الىنعان گۋمانيتارلىق كٶمەك كٶلەمٸنٸڭ جارتىسىنان كٶبٸ دەرٸ-دەرمەك ($853,2 مىڭ), سونداي-اق كيٸم مەن اياق كيٸم ($484 مىڭ). سول سيياقتى ماشينالار مەن جابدىقتارعا 1,6 مىڭ دوللار, باسقا تاۋارلارعا — 881,9 مىڭ دوللاردى قۇرايدى.
بيىل ەلٸمٸزگە گۋمانيتارلىق كٶمەكتٸڭ ەڭ كٶپ كٶلەمٸ يتالييادان ($1,7 ملن-عا), ودان كەيٸن قىتاي ($476,4 مىڭ) جەنە گەرمانييادان ($37,4 مىڭ) باعىتتالدى.
