Biylǵy jyly Qazaqstanda Indýstriialandyrý kartasynyń quny 700 mlrd teńge bolatyn 100 joba engizý kózdelip otyr, dep habarlaidy QR Investitsiialar jáne damý ministrliginiń baspasóz qyzmeti.
Sonyń ishinde biylǵy jyldyń birinshi toqsanynda quny 7,6 mlrd teńge bolatyn 10 joba iske qosylyp, 415 turaqty jumys orny quryldy. Sondai-aq quny 3,7 trln teńge bolatyn 320 joba daiyndalýda. Ony aiasynda 36 myń turaqty jumys orny qurylady degen jospar bar.
Otandyq kásiporyndardy tehnologiialyq jaǵynan jańǵyrtý maqsatynda jyl sońynda ónerkásiptiń bazalyq salalaryn tehnologiialyq jaǵynan qaita jaraqtandyrý boiynsha keshendi sharalardy bekitý josparlanyp otyr.
Jalpy alǵanda Indýstriialandyrý kartasy aiasyndaǵy jobalar boiynsha ótken jyly quny 2,2 trln teńgeniń ónimi óndirilip, olardyń 1,4 trln teńgesi qaita óńdeý ónerkásibine tiesili boldy.
Ortasha eseppen Indýstriialandyrý kartasynyń aiasynda engizilgen jobalar ai saiyn 180 mlrd teńgeniń ónimderin óndirip otyr.
.jpeg)