Elorda ákimi Altai Kólginov birqatar oqý oryndarynyń qurylysymen tanysty, dep habarlaidy "Ult aqparat" qala ákimdigine silteme jasap.
«Qala turǵyndarynyń ósýine bailanysty áleýmettik nysandarǵa túsetin júkteme artyp keledi. Bilim nysandary ásirese halyq kóp shoǵyrlanǵan eldi-mekenderde salynyp jatyr. Búgin birqatar oqý nysandarynyń qurylys barysymen tanystym. Qazirgi №60 mektep-litsei aýmaǵynda (Kýbrin kóshesi 21/1) taǵy bir mektep salyp jatyrmyz. Mektep aýmaǵyn keńeitemiz. Bul mekteptiń júktemesin azaityp, jańa oqý oryndaryn qurýǵa múmkindik beredi. Biyl osy mektepti paidalanýǵa beremiz. Abattandyrý jumystaryna nazar aýdarý qajet. Byltyrmen salystyrǵanda biy eki ese kóp mektep salamyz. Biyl salynatyn mektep sany - 12. Kelesi jyldarǵa da daiyndyqty esten shyǵarmadyq. Uly Dala men №39 kóshe qiylysynda ornalasqan bilim ordasy 1 200 oqýshyǵa eseptelgen (eki aýysymda – 2 400). 2021 jyly paidalanýǵa beriledi. Mektep qurylysyna jeke investordyń qarajaty jumsalady», - dep jazdy Altai Kólginov Instagram-daǵy paraqshasynda.
