ەلوردا ەكٸمٸ التاي كٶلگٸنوۆ بٸرقاتار وقۋ ورىندارىنىڭ قۇرىلىسىمەن تانىستى, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
«قالا تۇرعىندارىنىڭ ٶسۋٸنە بايلانىستى ەلەۋمەتتٸك نىساندارعا تٷسەتٸن جٷكتەمە ارتىپ كەلەدٸ. بٸلٸم نىساندارى ەسٸرەسە حالىق كٶپ شوعىرلانعان ەلدٸ-مەكەندەردە سالىنىپ جاتىر. بٷگٸن بٸرقاتار وقۋ نىساندارىنىڭ قۇرىلىس بارىسىمەن تانىستىم. قازٸرگٸ №60 مەكتەپ-ليتسەي اۋماعىندا (كۋبرين كٶشەسٸ 21/1) تاعى بٸر مەكتەپ سالىپ جاتىرمىز. مەكتەپ اۋماعىن كەڭەيتەمٸز. بۇل مەكتەپتٸڭ جٷكتەمەسٸن ازايتىپ, جاڭا وقۋ ورىندارىن قۇرۋعا مٷمكٸندٸك بەرەدٸ. بيىل وسى مەكتەپتٸ پايدالانۋعا بەرەمٸز. اباتتاندىرۋ جۇمىستارىنا نازار اۋدارۋ قاجەت. بىلتىرمەن سالىستىرعاندا بيى ەكٸ ەسە كٶپ مەكتەپ سالامىز. بيىل سالىناتىن مەكتەپ سانى - 12. كەلەسٸ جىلدارعا دا دايىندىقتى ەستەن شىعارمادىق. ۇلى دالا مەن №39 كٶشە قيىلىسىندا ورنالاسقان بٸلٸم ورداسى 1 200 وقۋشىعا ەسەپتەلگەن (ەكٸ اۋىسىمدا – 2 400). 2021 جىلى پايدالانۋعا بەرٸلەدٸ. مەكتەپ قۇرىلىسىنا جەكە ينۆەستوردىڭ قاراجاتى جۇمسالادى», - دەپ جازدى التاي كٶلگٸنوۆ Instagram-داعى پاراقشاسىندا.
