Biyl 6 mln adamǵa KVI-ge qarsy vaktsina salynady. Bul týraly QR Densaýlyq saqtaý birinshi vitse-ministri Marat Shoranov málim etti, dep habarlaidy "Ult aqparat".
«Memleket basshysynyń tapsyrmasy boiynsha biylǵy 1 aqpannan bastap Qazaqstanda koronavirýs infektsiiasyna qarsy vaktsinalaý bastaldy. Birinshi kezeńde reseilik «Spýtnik V» ekpesi satyp alyndy. Qysqa merzimde Qaraǵandy farmatsevtika kesheni bazasynda «Spýtnik–V» vaktsinasynyń ónerkásiptik óndirisi júzege asyryldy. Otandyq taýar óndirishiniń jetkizilimderi kestege sáikes júrgizildi», - dedi birinshi vitse-ministr Ortalyq kommýnikatsiialar qyzmetinde.
Sonymen qatar ol biyl sáýir aiyna «QazCovid-in» otandyq óndiris vaktsiianasyn paidalaný josparlanǵanyn atap ótti.
«Osy arqyly 2021 jyly 6 mln adamǵa ekpe saldyrýdy josparlap otyrmyz. Immýnoprofilaktika úshin IT-tehnologilar múmkindigi keńinen paidalanylyp keledi», - dedi Marat Shoranov.
