Foto: ashyq derekkózden
Biyl elde shegirtkemen kúreske biýdetten 8,1 mlrd. teńge bólinip otyr. Bul týraly Aýyl sharýashylyǵy ministrligi ókili málimdedi dep habarlaidy "Ult Aqparat".
"Qazirgi ýaqytta shegirtkelermen kúresý úshin 2,46 mln. ga aýmaqqa óńdeý úshin pestitsidter satyp alyndy, 90,8 myń ga aýmaqqa konkýrstyq rásimder jalǵasýda. 2,2 mln. ga aýmaqqa himiialyq óńdeý boiynsha qyzmetterdi satyp alý boiynsha sharttar jasaldy, 308,0 myń ga aýmaqqa konkýrstyq rásimder jalǵasýda. Pestitsidter Aqmola, Pavlodar jáne Soltústik Qazaqstan oblystaryn qospaǵanda, barlyq óńirlerge jóneltildi", -dep otyr QR Aýyl sharýashylyǵy ministrligi Agroónerkásiptik keshendegi memlekettik inspektsiia komiteti tóraǵasy Darhan Ábdikárimov.
Qazaqstanda shegirtkeniń 270-ten astam túri mekendeidi, olardyń 10-15 túri dándi, kókónis daqyldarynyń, jaiylymdar men shabyndyq alqaptardyń qaýipti ziiankesteri eken. Elimizdiń aýmaǵynda shegirtkelerdiń tabyndyq jáne tobyrlyq emes túrleri de bar kórinedi.
Shegirtkelerdiń eń qaýipti jáne ziiandy túrleri - aziialyq, marokkalyq jáne italiandyq prýs deidi mamandar.
"2024 jyly 2 538,035 myń ga alqapta tabyndyq shegirtke ziiankesteriniń taralýy boljanýda, onyń ishinde italiandyq prýs – 2 070,602 myń ga, aziialyq shegirtke – 186,103 myń ga jáne Marokko shegirtkesi – 281,33 myń ga", - dedi Darhan Ábdikárimov.
Aldaǵy jaz maýsymynda shegirtke eń kóp taralatyn aimaqtar: Aqtóbe - 784 myń ga, Qostanai - 776 myń ga jáne Túrkistan - 271 myń ga oblystary eken.
