"Respýblikalyq biýdjetten 12 mlrd. teńge igerilmei qalýy yqtimal. Bul týraly búgin Úkimet otyrysynda Qarjy ministri Baqyt Sultanov málim etti", - dep xabarlaidy Ult.kz tilshisi «QazAqparat» agenttigine silteme jasap.
«Jyl sońyna deiin 62 jumys kúni ǵana qaldy. Biýdjettik protsedýralarǵa taldaý jasaǵanymyzda - 12 mlrd. teńge respýblikalyq biýdjet qarajatynyń igerilmeý qaýpi baryn anyqtadyq», - dedi B. Sultanov.
Sonymen qatar Qarjy ministriniń atap kórsetkenindei, jergilikti óńirlerde de memlekettik satyp alýǵa qatysty da birqatar máseleler bar.
«Búgingi tańda jergilikti organdarda 18 mlrd. teńgeden astam satyp alýlarǵa kelisimshart áli jasalmaǵan», - dedi ol.
Jariialanǵan málimetterge sáikes, mindettemelerdiń eń iri kólemi Qyzylorda oblysynda atqarylmaýda - 3,5 mlrd. teńge, Aqtóbe oblysynda - 2,5, Aqmola oblysynda - 1,9, Mańǵystaý - 1,7, Atyraý oblysynda - 1,6 mlrd. teńge.
«Biylǵy jyly oblysta suranysy bar kásiporyndar, shaǵyn jáne orta biznes ol aqshany paidalana almai qaldy. Ýaqyt óte az qaldy. Baiqaý jariialap, qorytyndysyn shyǵarý kerek, jetkizýshilermen kelisimshartty kelisip, qol qoiý qajet, avanstyq tólemder atqaryp, atqarylǵan jumystardy kútý kerek, osynyń barlyǵyna tek 62 kún qaldy», - dedi B. Sultanov.
.jpeg)