© Sputnik / Abzal Kaliev
Búginde balalary bar 2 millionǵa jýyq otbasy túrli járdemaqylar men tólemder alady. Biyl osy maqsatta respýblikalyq biýdjetten jáne memlekettik áleýmettik saqtandyrý qorynan 1,7 trln teńgeden astam qarjy bólindi, dep habarlaidy úkimettiń baspasóz qyzmeti.
Onyń ishinde 870,7 mlrd teńgesi respýblikalyq biýdjetten jáne 855,9 mlrd teńgesi memlekettik áleýmettik saqtandyrý qorynan bólingen. 2025 jyly járdemaqy mólsheri 6,5%-ǵa artqan.
Qoldaýdyń negizgi baǵyttarynyń ishinde bala týǵan kezde kezektiligine qarai 149 416 teńgeden 247 716 teńgege deiingi birjolǵy járdemaqy bar. Osy jyldyń alǵashqy tórt aiynda tólem 21,1 mlrd teńge somasyna 117 myń azamatqa berildi.
Sondai-aq jumys istemeitin áielder úshin bir jarym jasqa tolǵanǵa deiin bala kútimi boiynsha ai saiynǵy járdemaqy qarastyrylǵan. Járdemaqynyń bul túri ekinshi, úshinshi jáne odan keiingi balalarǵa – 5,76 AEK-ten (22 648 teńge) 8,90 AEK-ke (34 995 teńge) deiin ulǵaita otyryp, balanyń týý kezegine bailanysty tólenedi. 2025 jylǵy 1 mamyrdaǵy jaǵdai boiynsha járdemaqy alýshylar sany orta eseppen 123,3 myń adam, olarǵa 14,4 mlrd teńge tólendi.
Jumys isteitin áielder memlekettik áleýmettik saqtandyrý qorynan tólem alady. Júktilik jáne bosaný boiynsha birjolǵy járdemaqynyń ortasha mólsheri 1,6 mln teńgeni qurady. Bul tólemdi 81,8 myń áiel aldy, jalpy somasy – 117,3 mlrd teńgeni qurady. Sondai-aq 1,5 jasqa deiingi bala kútimi boiynsha ai saiynǵy járdemaqy tólenedi. Orta eseppen 85 221 teńge. Bul soma sońǵy eki jyldaǵy ortasha ailyq kiristiń 40%-yn quraidy. Tólemniń ortasha mólsheri – 85 221 teńge.
2020 jyldan bastap 4 jáne odan da kóp birge turatyn kámeletke tolmaǵan balalary nemese 23 jasqa deiingi kúndizgi bólimde oqityn stýdentteri bar kópbalaly otbasylarǵa járdemaqy qarastyrylǵan.
Tólem mólsheri balalar sanyna qarai saralandy:
4 bala – 63 030 teńge,
5 bala – 78 798 teńge,
6 bala – 94 565 teńge,
7 bala – 110 332 teńge,
8 jáne odan da kóp bala – ár balaǵa 15 728 (4 AEK) teńgeden.
Jyl basynan beri kópbalaly otbasylarǵa orta eseppen 176 mlrd teńgege 611,5 myń otbasy járdemaqy aldy.
Kóp balaly analardyń bedelin kóterý úshin ómir boiy ai saiynǵy memlekettik járdemaqy taǵaiyndalady. Buryn "Batyr ana" ataǵyn alǵan, I, II dárejeli "Ana dańqy" ordenimen marapattalǵan. "Altyn alqa" alqalarymen nagradtalǵan kóp balaly analarǵa járdemaqy mólsheri 29 097 teńgeni (7,4 AEK), "Kúmis alqa" alqamen marapattalǵan kóp balaly analarǵa qazirgi ýaqytta járdemaqy mólsheri 25 165 (6,4 AEK) teńgeni quraidy. Búginde marapattalǵan 242 myń kóp balaly ana járdemaqy alýshylar bolyp sanalady, jalpy 25,9 mlrd teńge tólendi.
Sonymen qatar, memlekettik biýdjetten múgedek bala kámeletke tolǵanǵa deiin oǵan kútim jasaý boiynsha járdemaqy tólenedi, onyń mólsheri 74 428 teńgeni quraidy. Jyl basynan beri 33,7 mlrd teńge somasyna 111,7 myń adam aldy.
Otbasynyń bir múshesiniń tabysy kedeiliktiń belgilengen sheginen tómen otbasylar úshin memleket ataýly áleýmettik kómek kórsetedi, onyń sheńberinde 1 jastan 6 jasqa deiingi balalarǵa qosymsha tólem de júzege asyrylady. Bul tólemniń mólsheri 1,5 AEK quraidy, bul 2025 jyly ár bala úshin 5 898 teńgege teń. Osy jyldyń 1 mamyryna bul tólem 1,4 mlrd teńge somasyna 74,4 myń balaǵa taǵaiyndaldy.
