Nur-Sultanda 2021 jyly «Jumys isteitin jastar úshin satyp alý quqyǵynsyz jalǵa beriletin turǵyn úi» baǵdarlamasy jalǵasady. Biyl 1050 páter beriledi. Bul týraly elorda ákimi Altai Kólginov málimdedi, dep habarlaidy "Ult aqparat".
«Memleket jas urpaqty qoldaý úshin barlyq jaǵdaidy jasaidy. Olar elimizdiń qozǵaýshy kúshi jáne bolashaǵy bolyp esepteledi. Elbasynyń tapsyrmasy boiynsha 2019 jyly elordada jumys isteitin jastar úshin jalǵa beriletin turǵyn úi baǵdarlamasy iske qosyldy. Sol kezde myńnan astam adam jaldamaly páterlerge ie boldy. Osy ýaqyt ishinde olar aiaqqa turyp, belgili bir kólemde kapital jinaýyna múmkindik týady. Qańtar aiynda biz taǵy 350 páter berýdi josparlap otyrmyz. Al 2021 jyldyń sońyna qarai taǵy 1050 páter beriledi», — dedi elorda ákimi Altai Kólginov.
Sonymen qatar, Memleket basshysynyń tapsyrmasy boiynsha 2020 jyly elordada jeńildetilgen qoljetimdi turǵyn úi qurylysynyń kólemi ulǵaidy. Biyl bul jumystar da jalǵasady.
Turǵyn úi jaǵdaiyn jaqsartý úshin avariialyq jáne eskirgen turǵyn úilerdi buzý, liftilerdi aýystyrý jáne turǵyn úi keshenderin jóndeý boiynsha jumystar júrgizilýde, turǵyn úi sertifikattaryn alýshylar men turǵyn úi baǵdarlamalaryna qatysýshylardyń sanattary keńeitildi.
Elorda ákimi Altai Kólginov turǵyn úi sertifikattarynyń kólemin 1 mln teńgeden 1,5 mln teńgege deiin ulǵaitýǵa bastamashylyq jasady.
Jeńildetilgen qoljetimdi turǵyn úidiń rekordtyq kólemin salýǵa úi qurylysy kombinattary kómektesedi.
Innovatsiialyq tehnologiialar qurylys merzimin qysqartýǵa, turǵyn úidiń ózindik qunyn tómendetýge jáne úi sapasyn arttyrýǵa múmkindik beredi.
