نۇر-سۇلتاندا 2021 جىلى «جۇمىس ٸستەيتٸن جاستار ٷشٸن ساتىپ الۋ قۇقىعىنسىز جالعا بەرٸلەتٸن تۇرعىن ٷي» باعدارلاماسى جالعاسادى. بيىل 1050 پەتەر بەرٸلەدٸ. بۇل تۋرالى ەلوردا ەكٸمٸ التاي كٶلگٸنوۆ مەلٸمدەدٸ, دەپ حابارلايدى "ۇلت اقپارات".
«مەملەكەت جاس ۇرپاقتى قولداۋ ٷشٸن بارلىق جاعدايدى جاسايدى. ولار ەلٸمٸزدٸڭ قوزعاۋشى كٷشٸ جەنە بولاشاعى بولىپ ەسەپتەلەدٸ. ەلباسىنىڭ تاپسىرماسى بويىنشا 2019 جىلى ەلوردادا جۇمىس ٸستەيتٸن جاستار ٷشٸن جالعا بەرٸلەتٸن تۇرعىن ٷي باعدارلاماسى ٸسكە قوسىلدى. سول كەزدە مىڭنان استام ادام جالدامالى پەتەرلەرگە يە بولدى. وسى ۋاقىت ٸشٸندە ولار اياققا تۇرىپ, بەلگٸلٸ بٸر كٶلەمدە كاپيتال جيناۋىنا مٷمكٸندٸك تۋادى. قاڭتار ايىندا بٸز تاعى 350 پەتەر بەرۋدٸ جوسپارلاپ وتىرمىز. ال 2021 جىلدىڭ سوڭىنا قاراي تاعى 1050 پەتەر بەرٸلەدٸ», — دەدٸ ەلوردا ەكٸمٸ التاي كٶلگٸنوۆ.
سونىمەن قاتار, مەملەكەت باسشىسىنىڭ تاپسىرماسى بويىنشا 2020 جىلى ەلوردادا جەڭٸلدەتٸلگەن قولجەتٸمدٸ تۇرعىن ٷي قۇرىلىسىنىڭ كٶلەمٸ ۇلعايدى. بيىل بۇل جۇمىستار دا جالعاسادى.
تۇرعىن ٷي جاعدايىن جاقسارتۋ ٷشٸن اۆارييالىق جەنە ەسكٸرگەن تۇرعىن ٷيلەردٸ بۇزۋ, ليفتٸلەردٸ اۋىستىرۋ جەنە تۇرعىن ٷي كەشەندەرٸن جٶندەۋ بويىنشا جۇمىستار جٷرگٸزٸلۋدە, تۇرعىن ٷي سەرتيفيكاتتارىن الۋشىلار مەن تۇرعىن ٷي باعدارلامالارىنا قاتىسۋشىلاردىڭ ساناتتارى كەڭەيتٸلدٸ.
ەلوردا ەكٸمٸ التاي كٶلگٸنوۆ تۇرعىن ٷي سەرتيفيكاتتارىنىڭ كٶلەمٸن 1 ملن تەڭگەدەن 1,5 ملن تەڭگەگە دەيٸن ۇلعايتۋعا باستاماشىلىق جاسادى.
جەڭٸلدەتٸلگەن قولجەتٸمدٸ تۇرعىن ٷيدٸڭ رەكوردتىق كٶلەمٸن سالۋعا ٷي قۇرىلىسى كومبيناتتارى كٶمەكتەسەدٸ.
يننوۆاتسييالىق تەحنولوگييالار قۇرىلىس مەرزٸمٸن قىسقارتۋعا, تۇرعىن ٷيدٸڭ ٶزٸندٸك قۇنىن تٶمەندەتۋگە جەنە ٷي ساپاسىن ارتتىرۋعا مٷمكٸندٸك بەرەدٸ.
