رەسەيلٸك بلوگەر رومان زۋبەنكو گەرمانييادا ٶتكەن ديماش قۇدايبەرگەننٸڭ كونتسەرتٸنە قاتىستى پٸكٸر بٸلدٸرٸپ, ەنشٸنٸڭ كٶرەرمەندەرمەن ورىس تٸلٸندە امانداسپاعانىنا كٶڭٸلٸ تولماعانىن جەتكٸزدٸ. ونىڭ بۇل سٶزٸ ەلەۋمەتتٸك جەلٸدە قىزۋ تالقىعا تٷستٸ, دەپ حابارلايدى ult.kz.
رومان زۋبەنكو گەرمانييانىڭ ديۋسسەلدورف قالاسىندا ۇيىمداستىرىلعان ديماش قۇدايبەرگەننٸڭ كونتسەرتٸنە وتباسىمەن بٸرگە بارعان. بلوگەر قازاقستاندىق ەنشٸنٸڭ ەرەكشە داۋىسىن, ساحناداعى شەبەرلٸگٸن جەنە كونتسەرتتٸڭ ۇيىمداستىرىلۋ دەڭگەيٸن جوعارى باعالاعان. دەگەنمەن كەش بارىسىندا ورىس تٸلٸندەگٸ ەندەردٸڭ از ورىندالعانىنا نارازىلىق بٸلدٸرگەن.
ونىڭ ايتۋىنشا, كونتسەرت زالىنا جينالعانداردىڭ باسىم بٶلٸگٸ ورىس تٸلٸندە سٶيلەيتٸن كٶرەرمەندەر بولعان. سوندىقتان بلوگەر ديماشتىڭ ورىسشا ەندەردٸ كٶبٸرەك ورىندايتىنىن كٷتكەن. الايدا كونتسەرتتە بۇل تٸلدە بٸر عانا شىعارما شىرقالعان.
"ول مۇنداعى كٶرەرمەندەردٸڭ ورىس تٸلدٸ ەكەنٸن بٸلدٸ عوي. قازاقشا امانداستى ما, جوق پا, بٸلمەيمٸن. مەنٸڭشە, كونتسەرتٸن تەك اعىلشىن تٸلٸندە باستادى. قازاقشا امانداسقانىنا سەنٸمدٸ ەمەسپٸن, بٸراق ورىسشا ەشكٸممەن امانداسپاعانى انىق. امانداسۋىنا بولار ەدٸ عوي", – دەدٸ رومان زۋبەنكو.
بلوگەر ەنشٸنٸڭ مۇنداي ەرەكەتٸن ورىس تٸلدٸ تىڭدارماندارعا جەتكٸلٸكتٸ كٶڭٸل بٶلمەۋ دەپ قابىلداعان. سونداي-اق كونتسەرتتە ورىسشا بٸر عانا ەن ايتىلاتىنىن الدىن الا بٸلگەن ادامداردىڭ كەيبٸرٸ بيلەت الۋدان باس تارتۋى مٷمكٸن ەكەنٸن العا تارتتى.
الايدا ونىڭ بۇل پٸكٸرٸ جەلٸ قولدانۋشىلارىنا ۇنامادى. كٶپشٸلٸك ديماشتىڭ تەك بەلگٸلٸ بٸر ەلدٸڭ نەمەسە تٸلدٸڭ اۋديتوريياسىنا ەمەس, ەلەمنٸڭ تٷكپٸر-تٷكپٸرٸندەگٸ تىڭدارماندارىنا ٶنەر كٶرسەتەتٸن حالىقارالىق دەڭگەيدەگٸ ەنشٸ ەكەنٸن ەسكە سالدى.
جەلٸ قولدانۋشىلارىنىڭ بٸرٸ ەلەمدٸك جۇلدىزداردىڭ ٶزگە مەملەكەتتەردە كونتسەرت بەرگەندە سول ەلدٸڭ تٸلٸندە ەن ايتۋعا مٸندەتتٸ ەمەس ەكەنٸن ايتىپ, دجەننيفەر لوپەستٸڭ قازاقستانداعى ٶنەر كٶرسەتۋٸن مىسالعا كەلتٸرگەن.
"ديماشتىڭ ەلەمدٸك جۇلدىز ەكەنٸن ٶزٸڭٸز دە مويىندادىڭىز. ەلەمگە تانىمال كٶپتەگەن ەنشٸ تەك انا تٸلٸندە ەن ايتادى. مىسالى, جاقىندا دجەننيفەر لوپەس قازاقستانعا كەلدٸ. بٸراق بٸردە-بٸر ەنٸن ورىسشا دا, قازاقشا دا ورىنداعان جوق. ەشكٸم رەنجٸگەن جوق قوي. ال ديماش بٸر كونتسەرتٸندە التىدان استام تٸلدە ەن شىرقايدى. بۇل ونىڭ بارشا تىڭدارمانىنا دەگەن قۇرمەتٸ ەمەس پە?" – دەپ جازدى پٸكٸر قالدىرۋشىلاردىڭ بٸرٸ.
سوعان قاراماستان, رومان زۋبەنكو كونتسەرتتەن ەرەكشە ەسەر العانىن جاسىرماعان. ول ديماشتىڭ ۆوكالدىق مٷمكٸندٸگٸن جوعارى باعالاپ, مۇنداي دەڭگەيدەگٸ ٶنەردٸ تاماشالاۋ ٷشٸن بيلەت باعاسى ٷش ەسە قىمبات بولسا دا, قاراجات اياۋعا بولمايتىنىن ايتقان.
ايتا كەتەيٸك, ديماش قۇدايبەرگەن بٷگٸندە DIMENSIONS اتتى ەلەمدٸك كونتسەرتتٸك تۋرنەسٸن جالعاستىرىپ جٷر. Dimash News مەلٸمەتٸنشە, بۇل جوبا ەنشٸنٸڭ ۆوكالدىق شەبەرلٸگٸن عانا ەمەس, كومپوزيتورلىق جەنە پروديۋسەرلٸك قىرىن دا كٶپشٸلٸككە تانىستىرۋعا باعىتتالعان. تۋر اياسىندا ٶنەر يەسٸ تٷرلٸ تٸلدەگٸ شىعارمالارىن ورىنداپ, حالىقارالىق اۋديتورييامەن جٷزدەسٸپ كەلەدٸ.
