Elimizde ár jyldy qorytyndylap, jetistikter men tabystardy baǵalaý dástúrge ainalǵan. Eger «Astana» halyqaralyq qarjy ortalyǵynyń osy jylǵy jumysyn qorytyndylaityn bolsaq, negizgi kórsetkishterindegi aýyz toltyryp aitarlyq jetistikterin ataýǵa bolady.
Máselen, AHQO alańy arqyly qatysýshy kompaniialar qazirdiń ózinde túrli qazaqstandyq jobalarǵa jalpy somasy 130 mln dollardan asatyn investitsiia quiyp úlgergen eken. Sonymen qatar AHQO jahandyq qarjy ortalyqtary reitingindegi (GFCI) pozitsiiasyn nyqtap, 10 qatysýshynyń arasynda 51 orynǵa shyǵyp otyr.
Al AHQO-nyń bir jyldaǵy jumysynyń tolyqqandy qorytyndysy jaiynda sóz qozǵasaq, kompaniia ótip bara jatqan jylda álemniń 35 eliniń 350-den astam kompaniiasy úshin habqa ainaldy. AHQO qatysýshylaray bank isi, qor naryǵy, aktivterdi basqarý, jeke banking, islamdyq qarjylandyrý, kredittik reitingter iemdený qyzmeti syndy ekonomika salalarynda qyzmet atqarady. Ortalyqtyń qatysýshylary qataryna China Construction Bank, Altyn Bank, Vengriia eksport-improt bank, Qytai damý banki syndy bankter, iri brokerler, aktivterdi basqarý jónindegi kompaniialar bar.
Sheteldik kompaniialardy AHQO alańynda oqshaýlaý aǵylshyn quqyǵy printsipterimen jumys isteitin ereshe quqyqtyq rejimge, úzdik halyqaralyq standarttarǵa negizdelgen táýelsiz retteý ortasyna, sheteldik investorlar úshin mámilelerdi qurylymdaý túrleri túsinigine, sonymen qatar qatar álemge tanylǵan strategiialyq seriktesterdiń qoldaýymen AHQO Astana International Exchange (AIX) birjasy usynatyn qyzmetterge sep bolady.
2019 jyly AHQO Soty men Halyqaralyq arbitraj ortalyǵy Ortalyq Aziiadaǵy eń alǵashqy eJustice elektrondyq sot tóreligi júiesin - onlain-portaldy iske qosty. Ol taraptarǵa AHQO men HTO sotyna elektrondyq túrde álemniń kez kelgen núktesinen Nur-Sultanǵa kelip qatysýsyz talap-aryz berýge múmkindik jasaidy. AHQO Soty men Halyqaralyq arbitraj ortalyǵy Eýraziia, Aziia jáne Eýropadaǵy daýlardy sheshý jónindegi jetekshi ortalyqtarmen yntymaqtastyq týraly 17 memorandýmǵa qol qoidy. 2019 jyly AHQO men HAO eskertpeleri daýlardy sheshý úshin basymdyqqa ie forým retinde 1 300-den astam kelisimshartqa qosyldy. Kelisimsharttar sany AHQO men HAO qyzmetterine senim men qyzyǵýshylyqtyń artyp kele jatqandyǵyn dáleldeidi.
AHQO Qarjy qyzmetterin retteý komiteti komiteti jumys istei bastady. Álemdik sanattaǵy tolyqqandy retteýshi ortasy quryldy. Atap aitqanda, AHQO-da qarjy jáne naryqtyq qyzmettiń shamamen 30 túrin, sonymen qatar janama qyzmetterdiń 5 túrin júzege asyrýǵa bolady. Qarjylyq qyzmet úshin innovatsiialyq orta da qalyptasyp kele jatyr. AHQO Qarjy qyzmetterin retteý komiteti shekteýli rejimde aýyrtpalyqty retteý talaptaryn boldyrmaý maqsatynda jańa qarjy qyzmetteri men tehnologiialardy testileý, sonymen qatar retteý tehnologiialarymen (RegTech) bailanysty máseleler boiynsha bilim almasý úshin mamandandyrylǵan retteýshi ortasyn - QarjyTehZerthanany iske qosty. Atalǵan zertanada 18 kompaniia qyzmettiń alýan túrlerin kórsetý úshin litsenziialandy. Ol qyzmetterdiń qatarynda tsifrlyq aktivterdi basqarý, kraýdfanding, investitsiialardy basqarýdy avtomattandyrý (Robo-advisory), islamdyq qarjylandyrý men faktoring syndy baǵyttar bar.
AHQO Qarjy qyzmetterin retteý komiteti óńirde eń birinshi ret investitsiialyq jáne zaemdik kraýdfanding máseleleri boiynsha retteý sharalaryn ázirledi. Kraýdfanding qarjy tartýdyń balama banktik emes ádisi retinde tanymal bolyp keledi. Ol aldaǵy ýaqytta Qazaqstannyń jáne óńirdiń ekonomikalyq damýy úshin aitarlyqtai rólge ie bolmaq. Investitsiialyq jáne zaemdik kraýdfandingti retteý AHQO-nyń mańyzdy baǵyttarynyń biri - AHQO-nyń normativtik-quqyqtyq bazasyn ázirleý, investorlardy qorǵaý jáne naryqtyń tutastyǵy sharalaryn saqtaý arqyly kóshbasshy qarjy ortalyqtarynyń salalyq ári tájirielik jańa baǵyttaryna sáikes qarjy sektorynda innovatsiiany damytýǵa járdemdesýdiń júzege asyrylýy bolmaq.
AHQO Birjasy - Astana International Exchange (AIX) jumys istei bastaǵan sátten úsh másele sheshimin tapty. Birinshi - búkil álemde 60-tan astam birja qoldanatyn tuǵyrnamamen birdei infraqurylym, tehnologiialyq tuǵyrnama quryldy. Ekinshi - arnaiy normativtik-quqyqtyq baza quryldy, ol - jalpy aǵylshyn quqyǵy dep atalatyn quziret. Úshinshi - qazaqstandyqtardan bólek, Resei, Eýropa elderi, Qytai brokerlerinen turatyn brokerlik jeli quryldy. AIX alańynda ótken alǵashqy saýda-sattyqtan beri 1 jyldan sál asatyn ýaqyt ótti jáne birja qalyptasqan qurylymynyń jumys isteitindigin kórsete aldy.
AIX alańynda saýda-sattyq «Qazatomónerkásip» kompaniiasynyń IRO-ǵa shyǵýymen bastaldy jáne Qazaqstan jahandyq investorlar senim artatyn jaqsy orta men retteýshi qurylymdy qamtamasyz etetindigin kórsetip berdi. 2019 jyldyń sáýirinde alǵshaqy sheteldik emitent reseilik «Polimetall» taý-ken kompaniiasy boldy. AIX pen London birjasynda «Qazatomónerkásip» kompaniiasynyń 4 paiyz aktsiiasy qaita ornalastyrylyp, jergilikti jáne halyqaralyq investorlar tarapynan úlken suranysty ielendi. Búgingi kúni AHQO Birjasynyń resmi tiziminde 23 túrli emitettiń 36 shyǵarylymy bar. 17 qazaqstandyq jáne 9 halyqaralyq broker AHQO Birjasynyń saýda múshesi sanalady.
AHQO qarjy qyzmetteri men aktivterdibasqarý salasynda saýatty mamandardyń bolýyna da tikelei múddelik tanytyp otyr. Úzdiksiz bilim berý biýrosy (BCPD) janynan HR Nerve Centre qurylǵan. Búgingi kúni AHQO-da tirkelgen kompaniialarǵa arnalǵan saýatty mamandardyń kadrlyq rezervi 10 myń adamdy quraidy. AHQO Biýrosy el ýniversitetteri janynan quzirettilik ortalyqtaryn ashqan. Qazirgi ýaqytta Almatymen Nur-Sultan qalalaryndaǵy joǵary oqý oryndarynyń bazasynda 9 alań tabysty jumys istep tur.
AHQO jasandy intellekti, blokchein, úlken málimetter jáne olardy óńdeý, sonymen qatar túrli eledrdiń aqparattyq qaýipsizdigi salalaryndaǵy tehnologiialardy qamytýǵa naryq qatysýshylaryn tartý boiynsha da jumys júrgizip keledi. Qazirgi ýaqytta AHQO quziretine 50-den astam tehnologiialyq, AKT jáne qarjylyq-tehnikalyq kompaniia tirkelgen. Olardyń investitsiialyq belsendiligi 17 mln dollardan asyp otyr.
«Astana» halyqaralyq qarjy ortalyǵynyń taǵy bir tabysty júzege asyrylǵan jobasy Eskpat ortalyǵynyń iske qosylýy sanalady. Bul TMD elderinde balamasy joq ortalyq bolyp eseptelinedi. Atalǵan ortalyq qyzmeti Qazaqstandaǵy barlyq sheteldik sarapshylar men investorlarǵa qoljetimdi.
Ótip bara jatqan 2019 jyly AHQO Ekspat ortalyǵy óz qymetin odan ary damytý jáne usynylatyn qyzmetter spektoryn keńeitý boiynsha jumystardy eńserdi. Sheteldik investorlar men sarapshylar úshin júrgizýshi kýáligin rásimdeý jáne avtokólikterdi tirkeý boiynsha qyzmetter qosymsha engizildi. «Qazaq Invest» AQ-pen tabysty yntymaqtastyqtyń arqasynda AHQO Ekspat ortalyǵynda «bir tereze» qaǵdiatymen sheteldik investorlarǵa qoldaý kórsetý jáne súiemeldeý jumysyuiymdastyryldy. Ortalyq jumys istegen eki jyldyń ishinde 5 700 qyzmet kórsetti.
