Tótenshe jaǵdailar ministrligi Shoqyný merekesi kezindegi qaýipsizdik erejelerin eske salady, dep habarlaidy "Ult aqparat".
19 qańtar kúni elimizde Shoqyný hristian merekesiniń atap ótilýine bailanysty el azamattary shomylý rásimine qatysady.
«Biyl eldegi epidemiologiialyq jaǵdaiǵa bailanysty 8 óńirde sýǵa týsý rásimi ótpeitin boldy. Nur-Sultan qalasy, Almaty, Jambyl, Qaraǵandy, Qostanai, Qyzylorda, Mańǵystaý jáne Pavlodar oblystarynda sýǵa shomylý rásimi ótpeidi», - deidi TJM resmi ókili Talǵat Ýáli.
Qalǵan óńirlerde sý aidyndarynda sýǵa shomylýǵa arnalǵan arnaiy oryndar belgilendi.
Shomylý oryndarynyń sany - 106.
Oiyqtardyń ornalasqan jeri týraly aqparatty jergilikti atqarýshy organdar men TJ departamentterinen alýǵa bolady.
Belgilengen arnaiy oryndarda TJM aýmaqtyq bólimsheleri jergilikti atqarýshy organdarmen, jergilikti politsiia qyzmetimen jáne basqa qyzmettermen birlesip qaýipsizdikti qamtamasyz etý jáne karantindi saqtaý boiynsha kezekshilik uiymdastyrylady.
Shoqyný merekesi kezinde sýǵa shomylýdy josparlap otyrǵan adamdar myna qaǵidalardy saqtaýǵa tiis:
- tek arnaiy jabdyqtalǵan oryndarda ǵana sýǵa túsý qajet;
- oiyqqa kirer aldynda deneni jylytyp, jattyǵý jasap, júgirý kerek;
- qaýipsizdik úshin oiyqqa kirer aldynda rezeńke aiaq kiim nemese shulyq kiiý kerek;
- sýǵa súńgý aldynda tereń dem alyp, demińizdi ustap turyp sýǵa kirý;
- sýǵa sekirý jáne baspen sýǵa kirýge bolmaidy, adam aǵzasy sýyqtan shok alýy múmkin;
- aǵzańyz tońbaý úshin muz oiyǵynda 1 minýttan artyq bolmańyz.
- balamen kelgen jaǵdaida, bala shomylý kezinde ony qadaǵalaý qajet.
- sýdan shyqqan sátte sizdi oramal men jamylǵyshpen bireý qarsy alǵany durys.
- sýdan shyqqan kezde ózińizdiń jáne balanyń denesin oramalmen ysqylap súrtken jón, qurǵaq kiim kiiý qajet.
- sýǵa túskennen keiin profilaktika úshin dárilik shópten, jidekten nemese jemisten jasalǵan ystyq shai ishý qajet.
Budan basqa, el azamattary qys kezinde sý aidynynda mynadai qaýipsizdik qaǵidalaryn saqtaýy kerek:
- túngi ýaqytta jáne kórinýi nashar bolǵan kezde muz ústine shyǵýǵa bolmaidy;
- muzdyń juqa jáne bekimegen ýchaskelerine shyǵýǵa bolmaidy;
- muzdyń jekelegen ýchaskelerinde toppen jinalýǵa bolmaidy;
- muzdaǵy jyrmalarǵa, jaryqtarǵa, oiyqtarǵa jaqyndaýǵa bolmaidy; avtomobildermen ótkelderden tys jerlerge shyǵýǵa bolmaidyi.
Balyq aýlaýshylarǵa jeke qutqarý quraldary bolǵanda muz astynan balyq aýlaýǵa ruqsat etiledi.
