Biyl 5,8 myń shaqyrym jol aqyly bolady. Bul týraly Úkimettiń keńeitilgen otyrysynda Premer-Ministr Asqar Mamin aitty, dep habarlaidy "Ult aqparat".
«Nurly jol» memlekettik baǵdarlamasy aiasynda kólik infraqurylymyn aýqymdy jańǵyrtý jáne kólik áleýetin júzege asyrý maqsatynda 6 myń shaqyrym jol salynyp, qaita jańartylady. Aqy alý júiesi 5,8 shaqyrym jolǵa engiziledi», - dedi Úkimet basshysy.
Onyń atap ótýinshe, Qazaqstannyń kórshi eldermen temir jol legin ótkizý qabiletin arttyrýǵa baǵyttalǵan jumystar júrgiziledi.
«Qazaqstan-Qytai jáne Qazaqstan-Ózbekstan baǵyttary boiynsha temir jol legin ótkizý qabiletin arttyrý jáne «tar oryndardy» alyp tastaý úshin Dostyq-Moiynty, Maqtaral-Darbaza jáne Almaty stansasyn ainalma ýchaskelerge arnalǵan temir joldardy salý jáne jańǵyrtý jumystary bastalatyn bolady», - dedi Asqar Mamin.
