Biyl 4 835 kópbalaly otbasy turǵyn úimen qamtamasyz etiledi. Bul týraly QR Indýstriia jáne innovatsiialyq damý ministrligi Qurylys jáne turǵyn úi-kommýnaldyq sharýashylyq isteri komitetiniń tóraǵasy Marhabat Jaiymbetov aitty, dep habarlaidy QazAqparat.
«2019 jyly jyldyq 2 paiyzben jeńildetilgen kredit beretin «Baqytty otbasy» baǵdarlamasy iske qosyldy. Kópbalaly, tolyq emes otbasylardyń jáne múgedek balalary bar otbasylardyń osy baǵdarlama boiynsha bastapqy jáne qaitalama naryqtardan turǵyn úi satyp alýǵa múmkindigi bar. 2019 jyly 5 myńnan astam otbasy turǵyn úi jaǵdailaryn jaqsartty. Osy jyly 49,1 mlrd teńge bólindi jáne 4900 otbasy qoldaýmen qamtamasyz etiletin bolady. Qazirgi kezde «Turǵyn úi qurylys jinaq bankine» 4769 ótinish túsip, onyń ishinde 4074 otbasyna qaryz berildi», - dedi komitet tóraǵasy Ortalyq kommýnikatsiialar qyzmetindegi baspasóz máslihatynda.
Onyń aitýynsha, tabysy bir eń tómengi kúnkóris deńgeiinen asatyn kezekte turǵan halyqtyń áleýmettik jaǵynan osal toptary úshin satyp alý quqyǵynsyz jalǵa beriletin turǵyn úi salynady.
«Jyl saiyn jalǵa beriletin 3 700 páter salýǵa jáne satyp alýǵa 32,8 mlrd teńge bólý kózdelgen. Biyl 4 222 halyqtyń áleýmettik jaǵynan osal tobyn turǵyn úimen qamtamasyz etemiz», - dedi Marhabat Jaiymbetov.
