بيىل 4 835 كٶپبالالى وتباسى تۇرعىن ٷيمەن قامتاماسىز ەتٸلەدٸ. بۇل تۋرالى قر يندۋسترييا جەنە يننوۆاتسييالىق دامۋ مينيسترلٸگٸ قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸنٸڭ تٶراعاسى مارحابات جايىمبەتوۆ ايتتى, دەپ حابارلايدى قازاقپارات.
«2019 جىلى جىلدىق 2 پايىزبەن جەڭٸلدەتٸلگەن كرەديت بەرەتٸن «باقىتتى وتباسى» باعدارلاماسى ٸسكە قوسىلدى. كٶپبالالى, تولىق ەمەس وتباسىلاردىڭ جەنە مٷگەدەك بالالارى بار وتباسىلاردىڭ وسى باعدارلاما بويىنشا باستاپقى جەنە قايتالاما نارىقتاردان تۇرعىن ٷي ساتىپ الۋعا مٷمكٸندٸگٸ بار. 2019 جىلى 5 مىڭنان استام وتباسى تۇرعىن ٷي جاعدايلارىن جاقسارتتى. وسى جىلى 49,1 ملرد تەڭگە بٶلٸندٸ جەنە 4900 وتباسى قولداۋمەن قامتاماسىز ەتٸلەتٸن بولادى. قازٸرگٸ كەزدە «تۇرعىن ٷي قۇرىلىس جيناق بانكٸنە» 4769 ٶتٸنٸش تٷسٸپ, ونىڭ ٸشٸندە 4074 وتباسىنا قارىز بەرٸلدٸ», - دەدٸ كوميتەت تٶراعاسى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ ايتۋىنشا, تابىسى بٸر ەڭ تٶمەنگٸ كٷنكٶرٸس دەڭگەيٸنەن اساتىن كەزەكتە تۇرعان حالىقتىڭ ەلەۋمەتتٸك جاعىنان وسال توپتارى ٷشٸن ساتىپ الۋ قۇقىعىنسىز جالعا بەرٸلەتٸن تۇرعىن ٷي سالىنادى.
«جىل سايىن جالعا بەرٸلەتٸن 3 700 پەتەر سالۋعا جەنە ساتىپ الۋعا 32,8 ملرد تەڭگە بٶلۋ كٶزدەلگەن. بيىل 4 222 حالىقتىڭ ەلەۋمەتتٸك جاعىنان وسال توبىن تۇرعىن ٷيمەن قامتاماسىز ەتەمٸز», - دەدٸ مارحابات جايىمبەتوۆ.
