2021 jylǵy 1 sáýirdegi jaǵdai boiynsha 3 966 adam tarihi otanymen tabysyp, qandas mártebesin aldy. Bul týraly Eńbek jáne halyqty áleýmettik qorǵaý ministrligi habarlady.
Jalpy 1991 jyldan beri respýblikaǵa shamamen 1 mln 74,3 myń etnikalyq qazaq oralǵan.
"2021 jyldyń basynan beri Qazaqstanǵa kelgen qandastardyń jartysynan kóbi (75,6 paiyz) Ózbekstannan, 11,9 paiyzy QHR-dan, 5,8 paiyzy Túrikmenstannan, 3,0 paiyzy Mońǵoliiadan jáne 3,6 paiyzy basqa elderden kelgen. Olar negizinen Almaty (32,6 paiyz), Túrkistan (16,5 paiyz) jáne Mańǵystaý (14,2 paiyz) oblystaryna, sondai-aq Shymkent (12,0 paiyz) jáne Nur-Sultan (5,4 paiyz) qalalaryna qonystandy", - delingen habarlamada.
