Biyl qýaty 381 MVt bolatyn 23 jańartylatyn energetika nysany iske qosylady. Bul týraly QR Energetika ministri Nurlan Noǵaev aitty, dep habarlaidy QazAqparat.
«Biyl qýaty 381 MVt bolatyn 23 jańartylatyn energetika nysany iske qosylatyn bolady. Sonyń ishinde 5 gidroelektr stantsiiasy, 5 kún jáne 13 jel elektr stantsiiasy qamtylyp otyr», - dedi ministr Úkimet otyrysynda.
Jańartylatyn energetika sektoryn odan ári damytý úshin Ministrlik múddeli taraptarmen birlesip:
- 250 MVt jańartylatyn energetika jobalaryn irikteý boiynsha aýktsiondyq saýda-sattyqty ótkizý;
- Elektr energiiasyn jinaqtaý júieleri bar jańartylatyn energetikany damytý;
- Halyq pen shaǵyn jáne orta biznes arasynda jańartylatyn energetikanyń bólingen generatsiiasy tetigin jetildirý;
- Iri gidroelektr stantsiialary úshin yntalandyrý tetikterin usyný;
- 2025 jylǵa deiin ekologiialyq taza energiia kólemin 2 esege ulǵaitý baǵytynda jumys júrgizedi.
«Qazaqstanda energetikany ártaraptandyrý jáne turaqty damytý maqsatynda jańartylatyn energiia kózderi naryǵyn damytý odan ári jalǵasatyn bolady. Jańartylatyn energiia kózderin damytýdyń alǵashqy satysyn sátti aiaqtai otyryp, kelesi kezeńde osy saladaǵy múddeli taraptardy, onyń ishinde ǵalymdar men injenerlerdi tarta otyryp, júielik negizde «jasyl» energetikany serpindi damytý basty nazarda bolatynyn atap ótkim keledi», - dedi Nurlan Noǵaev.
Budan buryn habarlanǵandai, memlekettik josparlaý júiesiniń qujattarynda mynadai naqty maqsattar qoiylǵan, atap aitqanda elektr energiiasyn óndirýdiń jalpy kólemindegi jańartylatyn energetikanyń úlesin 2025 jyly 6 paiyzǵa, 2030 jyly 10 paiyzǵa deiin jetkizý eskerilgen. Al 2050 jylǵa qarai jalpy energiia tutynýdyń keminde jartysy jańartylatyn jáne balamaly energiia kózderine tiesili bolýǵa tiis.
