Birinshi jartyjyldyqta Qazaqstanda 6 iri sút fermasy iske qosyldy, jyl sońyna deiin taǵy 16-sy paidalanýǵa berilmek, dep habarlaidy AShM baspasóz qyzmeti.
Buǵan deiin belgili bolǵandai, QR Aýyl sharýashylyǵy ministrliginiń aldyna sút ónimderinen importty almastyrý boiynsha úlken mindet qoiylǵan edi. Osy jospardyń aiasynda Aýyl sharýashylyǵy ministrligi jyl saiyn 25 ónerkásiptik sút fermasyn paidalanýǵa berý boiynsha belsendi jumys júrgizýde.
Aǵymdaǵy jyldyń alǵashqy alty aiynyń qorytyndysy boiynsha 3810 bas iri qara malǵa arnalǵan 6 sút fermasy iske qosyldy. Olardyń beseýi Almaty oblysynda ornalasqan: «Aqsút LLC» JShS STF jáne «Firma Aprel», «Almaty» Plemzavod», «Qarabasova» jáne «Sadyhan» ShQ.
Sonymen qatar, Túrkistan oblysynda sút taýarlary fermasyn keńeitý jobasy aiasynda 1600 basqa arnalǵan «Qazyna jer» JShS ashyldy.
Sondai-aq, Aýyl sharýashylyǵy ministrliginiń bastamasy boiynsha Indýstriia jáne infraqurylymdyq damý ministrligi STF qurylysy jobalaryna saraptama júrgizý rásimin jeńildetkenin atap ótken jón.
Aita ketsek, iri qara maldar sany 1500-ge deiingi sút óndirýge arnalǵan mal sharýashylyǵy keshenderin jaýapkershilik deńgeiine jatatyn ǵimarattar men qurylystardy tehnikalyq nemese tehnologiialyq turǵydan kúrdeli nysandarǵa jatqyzýdyń jalpy tártibin aiqyndaý qaǵidalaryna túzetýler engizildi.
Bul memlekettik monopoliiaǵa qatysty keshendi vedomstvolyq emes saraptamadan ótý mindettemesin joqqa shyǵarady. Osylaisha, jobanyń tapsyrys berýshilerine (fermerlerine) kez kelgen akkredittelgen saraptamalyq uiymdy TEN nemese jobalyq-smetalyq saraptama júrgizý úshin tańdaýǵa múmkindik beriledi. Bul protsesterdi jedeldetýge jáne qurylysqa qajetti qujattardy daiyndaý shyǵyndaryn azaitýǵa múmkindik beredi.
Esterińizge salsaq, buǵan deiin fermerler keshendi vedomstvodan tys saraptamadan ótken kezde mal sharýashylyǵy jobalaryn iske asyrýdyń quny men qymbattaýy týraly birneshe ret shaǵymdanǵan bolatyn.
