Apatty jáne úsh aýysymdy mektepter máselesin tolyq sheshý úshin 800 mektep salynady. Bul týraly Májiliste «Nur Otan» partiiasynyń sailaý aldyndaǵy mindettemelerin iske asyrýǵa arnalǵan talqylaý kezinde Premer-Ministr Asqar Mamin málim etti, dep habarlaidy "Ult aqparat".
«Elimizdegi barlyq balalarǵa jaqsy tárbie men sapaly bilim alýǵa birdei jaǵdai jasalady, tolyqqandy turmys jaǵdaiy men árbir balanyń quqyǵynyń qorǵalýyna kepildik beriledi. 3 – 6 jas aralyǵyndaǵy balalar mektepke deiingi tárbiemen jáne oqytýmen tolyq qamtylady», - dedi A. Mamin.
Onyń aitýynsha, apatty jáne úsh aýysymdy mektepter máselesin tolyq sheshý úshin 800 mektep salynady. Biyl 200 jańa mektep paidalanýǵa beriledi.
«2025 jyly aýyl mektepteri internetpen, kompiýterlermen jáne oqý protsesin uiymdastyrýǵa qajet taǵy da basqa jabdyqtarymen qamtamasyz etiledi», - dedi Premer-Ministr.
