Biyl 200 mektep 4 tetik boiynsha salynady. Bul týraly Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Infraqurylymdyq máseleler áli de ózekti. Memleket basshysynyń tapsyrmasy aiasynda biyl 200 mektep 4 tetik boiynsha salynady. Olar: jekeshelik-memlekettik seriktestik, modýldi mektepter salý, jekemenshik mektepter jelisin damytý jáne memlekttik biýdjetten nysanaly salý», - dedi Ashat Aimaǵambetov.
Onyń atap ótýinshe, 10 aqpanǵa deiin ákimdiktermen birlesip, mektepterdiń qurylysy boiynsha jol kartasy bekitiledi.
«Ákimdikter osy máseleni jeke qarastyryp, tiisti óńirlik josparlaryn ázirlep, bir aptanyń ishinde ministrlikke usynýdy suraimyn», - dedi ministr.
Eske salaiyq, 26 qańtar kúni ótken Úkimettiń keńeitilgen otyrysynda Prezident Qasym-Jomart Toqaev biyl 200 jańa mektep salýdy tapsyrǵan bolatyn.
