بيىل 200 مەكتەپ 4 تەتٸك بويىنشا سالىنادى. بۇل تۋرالى ٷكٸمەت وتىرىسىندا قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
«ينفراقۇرىلىمدىق مەسەلەلەر ەلٸ دە ٶزەكتٸ. مەملەكەت باسشىسىنىڭ تاپسىرماسى اياسىندا بيىل 200 مەكتەپ 4 تەتٸك بويىنشا سالىنادى. ولار: جەكەشەلٸك-مەملەكەتتٸك سەرٸكتەستٸك, مودۋلدٸ مەكتەپتەر سالۋ, جەكەمەنشٸك مەكتەپتەر جەلٸسٸن دامىتۋ جەنە مەملەكتتٸك بيۋدجەتتەن نىسانالى سالۋ», - دەدٸ اسحات ايماعامبەتوۆ.
ونىڭ اتاپ ٶتۋٸنشە, 10 اقپانعا دەيٸن ەكٸمدٸكتەرمەن بٸرلەسٸپ, مەكتەپتەردٸڭ قۇرىلىسى بويىنشا جول كارتاسى بەكٸتٸلەدٸ.
«ەكٸمدٸكتەر وسى مەسەلەنٸ جەكە قاراستىرىپ, تيٸستٸ ٶڭٸرلٸك جوسپارلارىن ەزٸرلەپ, بٸر اپتانىڭ ٸشٸندە مينيسترلٸككە ۇسىنۋدى سۇرايمىن», - دەدٸ مينيستر.
ەسكە سالايىق, 26 قاڭتار كٷنٸ ٶتكەن ٷكٸمەتتٸڭ كەڭەيتٸلگەن وتىرىسىندا پرەزيدەنت قاسىم-جومارت توقاەۆ بيىل 200 جاڭا مەكتەپ سالۋدى تاپسىرعان بولاتىن.
