Foto: Kazinform
Ulttyq bank basqarma tóraǵasynyń orynbasary Aqyljan Baimaǵambetov «Ulttyq qor — balalarǵa» jobasy aiasynda biyl 18-ge tolatyn balalarǵa qansha aqsha aýdarylǵanyn aitty, - dep habarlaidy «Ult aqparat» Kazinformǵa silteme jasap.
«Ulttyq qor — balalarǵa» jobasy aiasynda baǵdarlama operatory sanalatyn Biryńǵai jinaqtaýshy zeinetaqy qory Ádilet ministrliginiń derekter bazasymen balalardyń jalpy sanyn salystyryp tekserdi. Barlyq balaǵa valiýtalyq shot ashyldy. Ómirge jańa kelgen balaǵa shot ashý protsesi avtomattandyryldy. Jyl saiyn qarajat aýdarý mehanizmi ázirlendi. Biyl barlyq balanyń shotyna 696 mln dollar esepteldi. Osy jyly baǵdarlama operatorynyń (Biryńǵai jinaqtaýshy zeinetaqy qorynyń) shotyna 2024 jyly kámelet jasyna tolatyn balalarǵa 30,6 mln dollar aýdaryldy», — dedi ol.
Aqyljan Baimaǵambetov Biryńǵai jinaqtaýshy zeinetaqy qorynyń aktivteri oń dinamikany kórsetip turǵanyn atap ótti.
«Ol kórsetkish qańtar aiynda 18,1 trln teńgege deiin, 1,5% ósti. Jyl basynan investitsiialyq tabys kólemi 112,6 mlrd teńge boldy. Zeinetaqy jarnasy 186,9 mlrd teńge, al jarnany merziminen buryn alý somasy 34 mlrd teńge boldy», — dedi Ulttyq basshysynyń orynbasary.
