Birinshi synyp oqýshylarynyń qujatyn qabyldaý 1 sáýirde bastalyp, 1 tamyzǵa deiin jalǵasady. Bul týraly Ortalyq kommýniktsiialar qyzmetinde ótken IV toqsandaǵy oqý formaty týraly brifingide aityldy, dep habarlaidy "Ult aqparat".
«1 sáýirden bastap barlyq qazaqstandyq mektepte kelesi oqý jylyna 1-synypqa qabyldaý úrdisi bastalady. Balasyn birinshi synypqa berýdi josparlaǵan ata-analar qujattaryn ótkize berýine bolady. Birinshi synypqa qabyldaý elektrondy formatta júrgiziledi. 1-synypqa alty jasar jáne biyl 6-ǵa tolatyn balalardy qabyldaidy. 2021-2022 oqý jyly 1-synypqa 340 myńnan asa bala qabyldaý josparlanyp otyr», - deidi QR Bilim jáne ǵylym vitse-ministri Sholpan Karinova.
Onyń aitýynsha, birinshi synyp oqýshylarynyń qujattaryn qabyldaý 1 sáýirde bastalyp, 1 tamyzǵa deiin jalǵasady. Qujattardy egov.kz arqyly berýge bolady.
«Qajetti qujattar: ata-ana ótinishi (nemese olardy almastyratyn tulǵalar), balanyń týý týraly kýáliginiń kóshirmesi, «Bala densaýlyǵy pasporty» jáne 3h4 kólemindegi 2 foto», - deidi ol.
