بٸرٸنشٸ سىنىپ وقۋشىلارىنىڭ قۇجاتىن قابىلداۋ 1 سەۋٸردە باستالىپ, 1 تامىزعا دەيٸن جالعاسادى. بۇل تۋرالى ورتالىق كوممۋنيكتسييالار قىزمەتٸندە ٶتكەن IV توقسانداعى وقۋ فورماتى تۋرالى بريفينگٸدە ايتىلدى, دەپ حابارلايدى "ۇلت اقپارات".
«1 سەۋٸردەن باستاپ بارلىق قازاقستاندىق مەكتەپتە كەلەسٸ وقۋ جىلىنا 1-سىنىپقا قابىلداۋ ٷردٸسٸ باستالادى. بالاسىن بٸرٸنشٸ سىنىپقا بەرۋدٸ جوسپارلاعان اتا-انالار قۇجاتتارىن ٶتكٸزە بەرۋٸنە بولادى. بٸرٸنشٸ سىنىپقا قابىلداۋ ەلەكتروندى فورماتتا جٷرگٸزٸلەدٸ. 1-سىنىپقا التى جاسار جەنە بيىل 6-عا تولاتىن بالالاردى قابىلدايدى. 2021-2022 وقۋ جىلى 1-سىنىپقا 340 مىڭنان اسا بالا قابىلداۋ جوسپارلانىپ وتىر», - دەيدٸ قر بٸلٸم جەنە عىلىم ۆيتسە-مينيسترٸ شولپان كارينوۆا.
ونىڭ ايتۋىنشا, بٸرٸنشٸ سىنىپ وقۋشىلارىنىڭ قۇجاتتارىن قابىلداۋ 1 سەۋٸردە باستالىپ, 1 تامىزعا دەيٸن جالعاسادى. قۇجاتتاردى egov.kz ارقىلى بەرۋگە بولادى.
«قاجەتتٸ قۇجاتتار: اتا-انا ٶتٸنٸشٸ (نەمەسە ولاردى الماستىراتىن تۇلعالار), بالانىڭ تۋۋ تۋرالى كۋەلٸگٸنٸڭ كٶشٸرمەسٸ, «بالا دەنساۋلىعى پاسپورتى» جەنە 3ح4 كٶلەمٸندەگٸ 2 فوتو», - دەيدٸ ول.
