Qazaqstanda jyl basynan beri esirtki daiyndaityn 7 zerthana joiyldy, dep habarlaidy "Ult aqparat".
«10 aidyń ishinde politsiia qyzmetkerleri zańsyz esirtki salasynda 1950 qylmysty anyqtady. Onyń ishinde ótkizý faktisi 1123, al kontrabanda faktisiniń 87 faktisi tirkeldi. Tirkelgen esirtkiniń kólemi 3 tonnaǵa artqanyn kórip otyrmyz (19,5 tonnadan 22,5 tonnaǵa deiin). Sondai-aq tárkilengen esirtkiniń 90 kelisi sintetikalyq túrine jatady», - dedi QR IIM esirtki qylmysyna qarsy is - qimyl departamentiniń bastyǵy Tilegen Matkenov IIM-niń onlain baspasóz máslihatynda.
Onyń aitýynsha, alty esirtki satatyn toptyń joly kesilip, osy toptardyń bes basshysy men uiymdasqan qylmystyń topqa múshe 21 múshesi jaýapqa tartylǵan. Olarǵa qatysty 33 qylmystyq is qozǵalǵan.
«7 esirtki zerthanasy joiylyp, olardan daiyn esirtkiniń 65 kelisi men 140 litrprekýrsor tárkilendi. «Qara naryqta» olardyń quny 1 milliard teńgege jetedi», - dedi ol.
