Bishkektiń travmotologiia jáne ortopediia ǵylymi-zertteý ortalyǵy men Ulttyq gospitaline qaladaǵy oqiǵalardan zardap shekken 75 adam jetkizildi. Qurban bolǵandar joq.
Bul týraly Qyrǵyzstannyń Kabar agenttigi Bishkek qalalyq ishki ister basqarmasyna silteme jasap málim etti.
Zardap shekkenderdiń arasynda 46 adam - quqyq qorǵaý organdarynyń ókili.
Eske salaiyq, jeksenbi, 4 qazan kúni Qyrǵyzstanda Jogorký Keneshke depýtattardy sailaý ótti. Depýtattyq mandatqa 16 partiia úmitkerlik etti. Daýys berýdiń aldyn ala málimeti boiynshy, 7% mejeni 4 partiia eńserdi.
Al, búgin, 5 qazan kúni sailaý nátijesine kóńili tolmaǵan bir top adam ortalyq alańda miting uiymdastyryp, odan keiin Aq úige bettedi. Olardy tarqatý úshin militsiia kóz jasaýratatyn gaz, sýatqysh jáne gaz-shýyldy qurylǵylar qoldanǵan. Bishkek ýaqytymen saǵat 22.00-degi málim boiynsha, aýrýhanaǵa zardap shekken 16 adam jetkizilgen.
Eldiń Ishki ister ministrligi mitingti uiymdastyrýshylar men partiia basshylaryn óz jaqtastaryn úilerine qaitarýǵa shaqyrdy.
Keiin Qyrǵyzstan Prezidenti Sooronbai Jeenbekov erteń, 6 qazan kúni parlamenttik sailaýǵa qatysqan barlyq 16 partiia basshysymen kezdesetini málim etildi.
Aita keteiik, eldiń Ortalyq sailaý komissiiasy daýys berýdiń sońǵy nátijesin sailaýdan keiin 20 kúnnen keshiktirmei jariialaýy tiis.
Sondai-aq búgin Bishkekte narazylyq bildirýshiler Aq úidiń aýmaǵyna basyp kirgendigi habarlandy.
Al Aq úiden shyqqan órt jergilikti ýaqytpen saǵat 7:46-da sóndirildi.
