Bishkekte Jogorký Kenesh depýtattarynyń sailaýyna kóńili tolmaǵan bir top adam Aq úige shabýyldap jatyr. Olardy militsiia qýa bastady, dep habarlaidy Kabar agenttigi.
Dál qazirgi sátte atylǵan qarýdyń daýsy estilip jatyr. Sondai-aq kóz jasaýratatyn gaz qoldanylǵany kórinip tur. Aq úidiń ainalasyn kúsh qurylymdarynyń qyzmetkerleri qorshap alǵan.
Ishki ister ministrliginiń habarlaýynsha, miting qatysýshylarynyń arasynda spirtti ishimdik ishken adamdar da bar, sondyqtan politseiler halyqty úidi-úiine taraýǵa shaqyrǵan.
«Halyqtyń densaýlyǵyna qaýip tóndiretin nemese basqa da destrýktivti jaǵdailar týyndasa, búkil jaýapkershilik mitingti uiymdastyrǵandarǵa artylatynyn eske salamyz. Uiymdastyrýshylardyń arasynda birneshe partiianyń liderleri men olardyń belsendi músheleri bar. Sondyqtan azamattardyń qaýipsizdigin saqtap, olardyń mazasyn almas úshin narazylyq bildirýshilerdi taraýǵa shaqyramyz» delingen IIM habarlamasynda.
Aita keteiik, 4 qazanda ótken sailaý qorytyndysyna narazylyq bildirgen adamdar Ala-Too alańyna shyǵyp, miting ótkizgen bolatyn.
