بٸشكەكتە جوگوركۋ كەنەش دەپۋتاتتارىنىڭ سايلاۋىنا كٶڭٸلٸ تولماعان بٸر توپ ادام اق ٷيگە شابۋىلداپ جاتىر. ولاردى ميليتسييا قۋا باستادى, دەپ حابارلايدى كابار اگەنتتٸگٸ.
دەل قازٸرگٸ سەتتە اتىلعان قارۋدىڭ داۋسى ەستٸلٸپ جاتىر. سونداي-اق كٶز جاساۋراتاتىن گاز قولدانىلعانى كٶرٸنٸپ تۇر. اق ٷيدٸڭ اينالاسىن كٷش قۇرىلىمدارىنىڭ قىزمەتكەرلەرٸ قورشاپ العان.
ٸشكٸ ٸستەر مينيسترلٸگٸنٸڭ حابارلاۋىنشا, ميتينگ قاتىسۋشىلارىنىڭ اراسىندا سپيرتتٸ ٸشٸمدٸك ٸشكەن ادامدار دا بار, سوندىقتان پوليتسەيلەر حالىقتى ٷيدٸ-ٷيٸنە تاراۋعا شاقىرعان.
«حالىقتىڭ دەنساۋلىعىنا قاۋٸپ تٶندٸرەتٸن نەمەسە باسقا دا دەسترۋكتيۆتٸ جاعدايلار تۋىنداسا, بٷكٸل جاۋاپكەرشٸلٸك ميتينگتٸ ۇيىمداستىرعاندارعا ارتىلاتىنىن ەسكە سالامىز. ۇيىمداستىرۋشىلاردىڭ اراسىندا بٸرنەشە پارتييانىڭ ليدەرلەرٸ مەن ولاردىڭ بەلسەندٸ مٷشەلەرٸ بار. سوندىقتان ازاماتتاردىڭ قاۋٸپسٸزدٸگٸن ساقتاپ, ولاردىڭ مازاسىن الماس ٷشٸن نارازىلىق بٸلدٸرۋشٸلەردٸ تاراۋعا شاقىرامىز» دەلٸنگەن ٸٸم حابارلاماسىندا.
ايتا كەتەيٸك, 4 قازاندا ٶتكەن سايلاۋ قورىتىندىسىنا نارازىلىق بٸلدٸرگەن ادامدار الا-توو الاڭىنا شىعىپ, ميتينگ ٶتكٸزگەن بولاتىن.
