Qyrǵyzstanda Aq úiden shyqqan órt jergilikti ýaqyt boiynsha saǵat 7:49-da sóndirildi, dep habarlaidy Qyrǵyzstanyń Tótenshe jaǵdailar ministrligine silteme jasaǵan Kabar agenttigi.
Qyrǵyzstannyń tótenshe jaǵdailar ministrligi taratqan málimetke qaraǵanda, oqiǵa ornynda 7 órtke qarsy top jumys istep jatyr.
Olardy órtti sóndirý jumystarymen ainalysýda.
Eske salaiyq, jeksenbi, 4 qazan kúni Qyrǵyzstanda Jogorký Keneshke depýtattardy sailaý ótti. Depýtattyq mandatqa 16 partiia úmitkerlik etti. Daýys berýdiń aldyn ala málimeti boiynshy, 7% mejeni 4 partiia eńserdi.
Al, búgin, 5 qazan kúni sailaý nátijesine kóńili tolmaǵan bir top adam ortalyq alańda miting uiymdastyryp, odan keiin Aq úige bettedi. Olardy tarqatý úshin militsiia kóz jasaýratatyn gaz, sýatqysh jáne gaz-shýyldy qurylǵylar qoldanǵan. Bishkek ýaqytymen saǵat 22.00-degi málim boiynsha, aýrýhanaǵa zardap shekken 16 adam jetkizilgen.
Eldiń Ishki ister ministrligi mitingti uiymdastyrýshylar men partiia basshylaryn óz jaqtastaryn úilerine qaitarýǵa shaqyrdy.
Keiin Qyrǵyzstan Prezidenti Sooronbai Jeenbekov erteń, 6 qazan kúni parlamenttik sailaýǵa qatysqan barlyq 16 partiia basshysymen kezdesetini málim etildi.
Aita keteiik, eldiń Ortalyq sailaý komissiiasy daýys berýdiń sońǵy nátijesin sailaýdan keiin 20 kúnnen keshiktirmei jariialaýy tiis.
