Bishkek túbinde qulaǵan Boeing Qazaqstannyń «Eýraziia» saqtandyrý kompaniiasynda saqtandyrylǵan bolyp shyqty, dep habarlaidy Ult.kz tilshisi QazAqparat agenttigine silteme jasap.
«Áýe ushaǵy «Eýraziia» saqtandyrý kompaniiasynda saqtandyrylǵan, ol qazir saqtandyrý oqiǵasy týraly habarlama aldy. Saqtandyrýshylar men loss-adjasterler zardap shekken árbir tarapqa qansha qarajat tóleýleri tiis ekendikterin sanap jatyr. Saqtandyrýshylar tek ushaqtyń óz qunyn óteýge keminde 38 million dollardy shyǵyndaýy yqtimal. Bul tek aldyn ala soma», - dep habarlady saqtandyrý kompaniiasynan.
Saqtandyrý kelisimsharty boiynsha, ushaq qana emes, sonymen qatar ushaq ieleriniń azamattyq-quqyqtyq jaýapkershiligi men olardyń úshinshi tulǵalarǵa qatysty jaýapkershiligi de saqtandyrylǵan.
«Eger atalmysh oqiǵa kelisimshartta kórsetilgen qaýip-qaterlerdiń birinen oryn alǵan bolsa, saqtandyrylǵan tarap tiisti qujattardy der ýaqytynda tapsyrǵan jaǵdaida, «Eýraziia» saqtandyrý kompaniiasy zardap shekken tarapqa saqtandyrý tólemin qysqa ýaqyttyń ishinde júrgizýge daiyn», - dep atap ótedi kompaniia.
Eske sala keteiik, 16 qańtarda Gonkogtan Ystanbulǵa attanǵan Boeing-747 ushaǵy Bishkek túbinde qulap, birneshe úidi qiratyp ketken bolatyn. Apat saldarynan 39 adam qaza tapty.
