بٸشكەك تٷبٸندە قۇلاعان Boeing قازاقستاننىڭ «ەۋرازييا» ساقتاندىرۋ كومپانيياسىندا ساقتاندىرىلعان بولىپ شىقتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«ەۋە ۇشاعى «ەۋرازييا» ساقتاندىرۋ كومپانيياسىندا ساقتاندىرىلعان, ول قازٸر ساقتاندىرۋ وقيعاسى تۋرالى حابارلاما الدى. ساقتاندىرۋشىلار مەن لوسس-ادجاستەرلەر زارداپ شەككەن ەربٸر تاراپقا قانشا قاراجات تٶلەۋلەرٸ تيٸس ەكەندٸكتەرٸن ساناپ جاتىر. ساقتاندىرۋشىلار تەك ۇشاقتىڭ ٶز قۇنىن ٶتەۋگە كەمٸندە 38 ميلليون دوللاردى شىعىنداۋى ىقتيمال. بۇل تەك الدىن الا سوما», - دەپ حابارلادى ساقتاندىرۋ كومپانيياسىنان.
ساقتاندىرۋ كەلٸسٸمشارتى بويىنشا, ۇشاق قانا ەمەس, سونىمەن قاتار ۇشاق يەلەرٸنٸڭ ازاماتتىق-قۇقىقتىق جاۋاپكەرشٸلٸگٸ مەن ولاردىڭ ٷشٸنشٸ تۇلعالارعا قاتىستى جاۋاپكەرشٸلٸگٸ دە ساقتاندىرىلعان.
«ەگەر اتالمىش وقيعا كەلٸسٸمشارتتا كٶرسەتٸلگەن قاۋٸپ-قاتەرلەردٸڭ بٸرٸنەن ورىن العان بولسا, ساقتاندىرىلعان تاراپ تيٸستٸ قۇجاتتاردى دەر ۋاقىتىندا تاپسىرعان جاعدايدا, «ەۋرازييا» ساقتاندىرۋ كومپانيياسى زارداپ شەككەن تاراپقا ساقتاندىرۋ تٶلەمٸن قىسقا ۋاقىتتىڭ ٸشٸندە جٷرگٸزۋگە دايىن», - دەپ اتاپ ٶتەدٸ كومپانييا.
ەسكە سالا كەتەيٸك, 16 قاڭتاردا گونكوگتان ىستانبۇلعا اتتانعان Boeing-747 ۇشاعى بٸشكەك تٷبٸندە قۇلاپ, بٸرنەشە ٷيدٸ قيراتىپ كەتكەن بولاتىن. اپات سالدارىنان 39 ادام قازا تاپتى.
