Bishkek qalalyq soty burynǵy premer-ministr Ómirbek Babanovty qamaýda ustaý týraly sot sheshimine túsirilgen shaǵymdy qarady. Advokat saiasatkerdi úiqamaqqa aýystyrýdy suraǵan, biraq sot Babanovty 31 shildege deiin qamaýda ustaý týraly sheshim shyǵarǵan, dep habarlaidy Azattyq.
Al Babanovtyń sot ǵimaraty aldyna jinalǵan jaqtastary Úkimet úiine qarai betteitinin eskertken. Olar eks-premerdi bosatýyn talap etti. Uiymdastyrýshylardyń aitýynsha, mitingke birneshe myń adam jinalǵan.
Ulttyq qaýipsizdik jónindegi memlekettik komitet burynǵy premer-ministr Ómirbek Babanovty 31 mamyrda ustady. Komitettiń baspasóz qyzmetiniń habarlaýynsha, saiasatker "Qumtór" jobasyn júzege asyrý kezinde bolǵan jemqorlyqqa qatysqan degen aiyppen ustaldy. Bishkektiń 1-mai aýdandyq soty 2 maýsymda Babanovty eki ai tergeý izoliatorynda ustaý týraly sheshim shyǵardy.
Ómirbek Babanovtyń otbasy 18 maýsymda prezident Sadyr Japarovqa arnalǵan úndeýin taratty. Onda Babanovqa taǵylǵan aiyptar negizsiz ekeni aitylǵan.
