بٸشكەك قالالىق سوتى بۇرىنعى پرەمەر-مينيستر ٶمٸربەك بابانوۆتى قاماۋدا ۇستاۋ تۋرالى سوت شەشٸمٸنە تٷسٸرٸلگەن شاعىمدى قارادى. ادۆوكات ساياساتكەردٸ ٷيقاماققا اۋىستىرۋدى سۇراعان, بٸراق سوت بابانوۆتى 31 شٸلدەگە دەيٸن قاماۋدا ۇستاۋ تۋرالى شەشٸم شىعارعان, دەپ حابارلايدى ازاتتىق.
ال بابانوۆتىڭ سوت عيماراتى الدىنا جينالعان جاقتاستارى ٷكٸمەت ٷيٸنە قاراي بەتتەيتٸنٸن ەسكەرتكەن. ولار ەكس-پرەمەردٸ بوساتۋىن تالاپ ەتتٸ. ۇيىمداستىرۋشىلاردىڭ ايتۋىنشا, ميتينگكە بٸرنەشە مىڭ ادام جينالعان.
ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەت بۇرىنعى پرەمەر-مينيستر ٶمٸربەك بابانوۆتى 31 مامىردا ۇستادى. كوميتەتتٸڭ باسپاسٶز قىزمەتٸنٸڭ حابارلاۋىنشا, ساياساتكەر "قۇمتٶر" جوباسىن جٷزەگە اسىرۋ كەزٸندە بولعان جەمقورلىققا قاتىسقان دەگەن ايىپپەن ۇستالدى. بٸشكەكتٸڭ 1-ماي اۋداندىق سوتى 2 ماۋسىمدا بابانوۆتى ەكٸ اي تەرگەۋ يزولياتورىندا ۇستاۋ تۋرالى شەشٸم شىعاردى.
ٶمٸربەك بابانوۆتىڭ وتباسى 18 ماۋسىمدا پرەزيدەنت سادىر جاپاروۆقا ارنالعان ٷندەۋٸن تاراتتى. وندا بابانوۆقا تاعىلعان ايىپتار نەگٸزسٸز ەكەنٸ ايتىلعان.
