Sýret: Joǵarǵy sottyń baspasóz qyzmeti
Áieli Saltanat Núkenovany óltirdi dep sottalǵan burynǵy ulttyq ekonomika ministri Qýandyq Bishimbaevtyń qorǵaýshylary sot úkimine qatysty úsh appeliatsiialyq shaǵym túsirdi, dep habarlaidy "Ult aqparat" Stan.kz-ke silteme jasap.
Advokat Erlan Ǵazymjanovtyń sózinshe, apelliatsiia merziminiń sońǵy kúni – 28 mamyr.
"Búgin sot kabineti arqyly saǵat 17:00 shamasynda apelliatsiia berdik. Qazir tergeý izoliatorynda otyrmyz. Apelliatsiialyq shaǵymdy áriptesterimizben talqylaimyz. Árkim óz atynan jazady. Biz, is qaralǵan bapty ózgertý boiynsha talap qoiamyz", – dedi advokat Erlan Ǵazymjanov.
BAQ ókilderi "Bishimbaevtyń ózi shaǵym túsire me" degen saýalyna advokat "shaǵym túsiredi" dep jaýap berdi.
Advokat Erlan Ǵazymjanov atap ótkendei, apelliatsiiada 20-ǵa jýyq protsessýaldyq zań buzýshylyqtar kórsetilgen.
Bishimbaevty qorǵaýshylardyń pikirinshe, sýdia sot talqylaýy kezinde olqylyqtarǵa jol bergen.
27 mamyrda Saltanat Núkenovanyń ólimine qatysty is boiynsha 4 jylǵa sottalǵan Baqytjan Baijanov apelliatsiialyq shaǵym túsirgen.
Aita keteiik, Erlan Ǵazymjanov qoqan-loqyǵa bailanysty politsiiaǵa aryz jazǵany da belgili boldy. Atalǵan fakti boiynsha sotqa deiingi tergeýdi Astana qalasy Saryarqa aýdandyq politsiia bólimi júrgizip jatyr.
Eske salaiyq, 13 mamyrda óziniń áielin óltirdi degen kúdikpen ustalyp, sot isi ashyq júrgizilgen eks-ministr Qýandyq Bishimbaev 24 jylǵa, al onyń týysy Baqytjan Baijanov 4 jylǵa bas bostandyǵynan aiyryldy.
