سۋرەت: جوعارعى سوتتىڭ باسپاسٶز قىزمەتٸ
ەيەلٸ سالتانات نٷكەنوۆانى ٶلتٸردٸ دەپ سوتتالعان بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ قورعاۋشىلارى سوت ٷكٸمٸنە قاتىستى ٷش اپپەلياتسييالىق شاعىم تٷسٸردٸ, دەپ حابارلايدى "ۇلت اقپارات" Stan.kz-كە سٸلتەمە جاساپ.
ادۆوكات ەرلان عازىمجانوۆتىڭ سٶزٸنشە, اپەللياتسييا مەرزٸمٸنٸڭ سوڭعى كٷنٸ – 28 مامىر.
"بٷگٸن سوت كابينەتٸ ارقىلى ساعات 17:00 شاماسىندا اپەللياتسييا بەردٸك. قازٸر تەرگەۋ يزولياتورىندا وتىرمىز. اپەللياتسييالىق شاعىمدى ەرٸپتەستەرٸمٸزبەن تالقىلايمىز. ەركٸم ٶز اتىنان جازادى. بٸز, ٸس قارالعان باپتى ٶزگەرتۋ بويىنشا تالاپ قويامىز", – دەدٸ ادۆوكات ەرلان عازىمجانوۆ.
باق ٶكٸلدەرٸ "بيشٸمباەۆتىڭ ٶزٸ شاعىم تٷسٸرە مە" دەگەن ساۋالىنا ادۆوكات "شاعىم تٷسٸرەدٸ" دەپ جاۋاپ بەردٸ.
ادۆوكات ەرلان عازىمجانوۆ اتاپ ٶتكەندەي, اپەللياتسييادا 20-عا جۋىق پروتسەسسۋالدىق زاڭ بۇزۋشىلىقتار كٶرسەتٸلگەن.
بيشٸمباەۆتى قورعاۋشىلاردىڭ پٸكٸرٸنشە, سۋديا سوت تالقىلاۋى كەزٸندە ولقىلىقتارعا جول بەرگەن.
27 مامىردا سالتانات نٷكەنوۆانىڭ ٶلٸمٸنە قاتىستى ٸس بويىنشا 4 جىلعا سوتتالعان باقىتجان بايجانوۆ اپەللياتسييالىق شاعىم تٷسٸرگەن.
ايتا كەتەيٸك, ەرلان عازىمجانوۆ قوقان-لوقىعا بايلانىستى پوليتسيياعا ارىز جازعانى دا بەلگٸلٸ بولدى. اتالعان فاكتٸ بويىنشا سوتقا دەيٸنگٸ تەرگەۋدٸ استانا قالاسى سارىارقا اۋداندىق پوليتسييا بٶلٸمٸ جٷرگٸزٸپ جاتىر.
ەسكە سالايىق, 13 مامىردا ٶزٸنٸڭ ەيەلٸن ٶلتٸردٸ دەگەن كٷدٸكپەن ۇستالىپ, سوت ٸسٸ اشىق جٷرگٸزٸلگەن ەكس-مينيستر قۋاندىق بيشٸمباەۆ 24 جىلعا, ال ونىڭ تۋىسى باقىتجان بايجانوۆ 4 جىلعا باس بوستاندىعىنان ايىرىلدى.
